影片
更多
2022-05-08
111 瀏覽
到極尚大喜屋觀塘分店，提早慶祝母親節。極尚大喜屋晚飯時段建議先以電話預約。以今日為例，我哋五點半到達餐廳，門外已有最少20多人排隊。餐廳佔據鱷魚卹中心全層，但為咗增加座位數目，枱同座位距離偏短，坐得並唔係太舒服。不過勝在食物飲品種類繁多。餐廳設有區域等乘客可以落單前先行拎取沙律、煎炸食品及湯打個底。飲品方面種類非常多，有汽水、茶類、果汁、啤酒、清熱飲料、梅酒及清酒供應。甜品亦有唔少選擇。唯獨雪糕方面只供應雀巢同其他非主流品牌，相對遜色。落單係透過app或掃QR code網上落單，不過網上落單短時間內落單數量每枱會有限制。落單叫嘅食物上枱速度快。放題食物種類好多，涵蓋魚生、壽司、炸物、串燒同粥麵，即使唔食生嘢嘅食客都有選擇。魚生質素雖然未及日式壽司店，但仍然新鮮，唔覺有腥臭味。貝類刺身相對質素較高，食得出鮮甜味。炸物上枱時係辣口，相信係即炸。當中推薦吉列炸蠔，炸漿薄身脆口，蠔身鮮甜之餘帶有creamy口感。另外燒羊架/牛脷同一口牛都唔會燒得太老，值得一讚。餐廳服務質素唔錯。雖然今日坐喺店內旯旮位置，仍不時有店員經過收走空碟。店員亦會提醒客人幾時last order。除左餐廳樓面有小部份地
極尚大喜屋晚飯時段建議先以電話預約。以今日為例，我哋五點半到達餐廳，門外已有最少20多人排隊。餐廳佔據鱷魚卹中心全層，但為咗增加座位數目，枱同座位距離偏短，坐得並唔係太舒服。不過勝在食物飲品種類繁多。
餐廳設有區域等乘客可以落單前先行拎取沙律、煎炸食品及湯打個底。飲品方面種類非常多，有汽水、茶類、果汁、啤酒、清熱飲料、梅酒及清酒供應。甜品亦有唔少選擇。唯獨雪糕方面只供應雀巢同其他非主流品牌，相對遜色。
落單係透過app或掃QR code網上落單，不過網上落單短時間內落單數量每枱會有限制。落單叫嘅食物上枱速度快。放題食物種類好多，涵蓋魚生、壽司、炸物、串燒同粥麵，即使唔食生嘢嘅食客都有選擇。
魚生質素雖然未及日式壽司店，但仍然新鮮，唔覺有腥臭味。貝類刺身相對質素較高，食得出鮮甜味。
炸物上枱時係辣口，相信係即炸。當中推薦吉列炸蠔，炸漿薄身脆口，蠔身鮮甜之餘帶有creamy口感。
另外燒羊架/牛脷同一口牛都唔會燒得太老，值得一讚。
餐廳服務質素唔錯。雖然今日坐喺店內旯旮位置，仍不時有店員經過收走空碟。店員亦會提醒客人幾時last order。除左餐廳樓面有小部份地方會見到雜物，稍為有損瞻觀，整體飲食體驗非常好。
張貼
