影片
更多
2024-03-06
150 瀏覽
餐廳名完全命中打工仔嘅心聲🥲，玩味感十足，主打泰式x西式料理，環境色彩繽紛，好似入咗叢林咁，全部都係搶眼嘅打卡位！餐牌啲名都改得好搞笑，而且食材嘅配搭幾創新，大部份都未試過，感覺幾適合同朋友或者小朋友嚟試！-——————————————🍕◖泰式魷魚比薩◗ $92呢個係午市套餐，包咗沙律同嘢飲。用咗類似Tortilla做底，烘焗出嚟批邊薄脆，每一塊上面都鋪上厚厚嘅芝士，加上車厘茄魷魚同炸魷魚圈，配料唔算太多，但口感幾香脆！🍳◖泰式燒牛肉沙律◗ $168呢個牛肉沙律份量都多，上面放上切片牛肉，再淋上泰式酸辣汁，幾有風味，但食吓食吓都真係幾辣！略嫌佢啲牛肉比較碎，同埋唔太食得出牛味～🧇◖如果沒有窩夫我會很寂寞•抹茶醬栗子忌廉糖漬栗子麻糬◗ $128窩夫使用日本進口麵粉同雞蛋，即叫即整，入口食到濃濃嘅蛋香，夾雜煙靭嘅麻糬，上面唧上栗子忌廉同抹茶醬，配上抹茶雪糕，但食落就冇嗰種外脆內軟嘅感覺呢～🍫◖提拉米蘇泰奶咖啡◗ +$36叫咗午市套餐，有$20優惠叫佢嘅嘢飲。呢杯嘢飲好吸睛，成個造型都好靚！用咗泰奶咖啡做底，中間有一層厚厚嘅奶泡，上面放上三大條手指餅，灑上可可粉，用嚟點咖啡食一流！🍋◖青檸梳
-——————————————
🍕◖泰式魷魚比薩◗ $92
呢個係午市套餐，包咗沙律同嘢飲。用咗類似Tortilla做底，烘焗出嚟批邊薄脆，每一塊上面都鋪上厚厚嘅芝士，加上車厘茄魷魚同炸魷魚圈，配料唔算太多，但口感幾香脆！
🍳◖泰式燒牛肉沙律◗ $168
呢個牛肉沙律份量都多，上面放上切片牛肉，再淋上泰式酸辣汁，幾有風味，但食吓食吓都真係幾辣！略嫌佢啲牛肉比較碎，同埋唔太食得出牛味～
🧇◖如果沒有窩夫我會很寂寞•抹茶醬栗子忌廉糖漬栗子麻糬◗ $128
窩夫使用日本進口麵粉同雞蛋，即叫即整，入口食到濃濃嘅蛋香，夾雜煙靭嘅麻糬，上面唧上栗子忌廉同抹茶醬，配上抹茶雪糕，但食落就冇嗰種外脆內軟嘅感覺呢～
🍫◖提拉米蘇泰奶咖啡◗ +$36
叫咗午市套餐，有$20優惠叫佢嘅嘢飲。呢杯嘢飲好吸睛，成個造型都好靚！用咗泰奶咖啡做底，中間有一層厚厚嘅奶泡，上面放上三大條手指餅，灑上可可粉，用嚟點咖啡食一流！
🍋◖青檸梳打◗ 跟餐
飲落幾清新，唔會太甜，好夠氣！
🌟Encore指數：8.2/10
張貼
