春宵

營業中

休息中

我啲豬朋狗友知我星期五夜晚早收工，好早就約咗我一齊去灣仔春宵火鍋店吹水打邊爐。 真係唔怪得係星期五夜晚，成間餐廳都爆滿，好熱鬧，我哋唯有等耐咗少少，好快就有侍應帶我哋入去坐。忙咗成個禮拜，梗係要叫【招牌滋陰補身鴿子湯】嚟補返一個禮拜嘅疲勞啦。呢個湯底係冇味精嘅 養生湯底，原隻鴿子熬出嚟嘅湯好香濃，真係好想快啲食。【濟州豬腩肉】放入湯之後好軟熟，有濃郁嘅豬肉味同湯味，完全冇油膩嘅感覺，一碟都唔夠我哋 食。重頭戲梗係【A5飛驒和牛牛頸脊(大)】，A5嘅高級和牛真係非同凡響，紋理好靚，口感鮮嫩多汁， 配埋湯汁都蓋唔過佢豐富嘅牛味。正!【泡菜煙燻豬腩肉】係令我最驚喜嘅菜式，新鮮嘅泡菜味配搭微焦香嘅豬腩肉，竟然咁好食。【潮汕牛筋丸】粒粒彈牙，咬落去好有口感，充滿住牛肉味，令我哋嘅晚餐增添咗唔少風味。