Chatterbox Café (K11 Musea)

營業中

休息中

被新加坡旅遊局評為三大海南雞飯名店嘅文華酒店Chatterbox，海南雞飯到底有幾好食？雞腿肉嫩滑，可惜味道略嫌單薄，要靠三個醬惡補。辣椒醬、薑蓉、醬油各有特色，辣椒醬辣而不咸，薑蓉薑味出，不過油，醬油濃度剛好，雞肉味道確因此提升，連雞胸的「鞋」口都可稍微彌補。相對雞肉，油飯更有驚喜，有雞的鮮、香料的誘人，有油花但不膩人。層次分明，教人一口接一口，不知不覺已吃完一碗，還意猶未盡。之後是小食「馬來特色香煎辣魚餅」，估佢唔到四條魚餅軟淋淋攤喺四片正方形的方包上，口感不用說是一定不會有，婆婆都可以安心進食。入口少少辣，少少魚腥，就係咁多，我知可能有人話這是正宗我唔識食，也許是這樣吧。但不喜歡極軟魚肉餅的人請別點。 最後「招牌椰子雪糕」反而有驚喜，驟眼睇以為要價過百的甜品份量極少，豈料小小椰盎內填滿雪糕，香甜具輕巧奶味的雪糕藏着淡淡椰肉，裝飾的罐頭荔枝菠蘿都可以原諒，是一個很不錯的收結。