影片
更多
2023-11-08
28 瀏覽
平時出街食飯都大魚大肉，間唔中都要食清啲，呢間素菜餐廳同以往傳統既唔同，菜式選擇多元化，有中式、泰式、西式等，一定有一款岩食！晚市套餐 $268前菜有泰式香茅金柚鮮果沙律，沙律有菠蘿、車厘茄、金柚，入口香甜清爽！另外奇亞籽紫薯蘋果薯仔伴莓乾，加左奇亞籽，口感Q軟，不錯！手卷揀左香芒牛油果苜蓿芽手卷，苜蓿芽都係第一次食，味道清脆，配埋香甜芒果同牛油果，感覺比較健康。茶樹菇竹笙黃耳百合燉湯材料豐富，估唔到無肉既湯都可以好清甜滋潤！黑松露椰菜花野菌忌廉意大利飯配香脆腐皮卷黑松露香濃，意大利飯入面有大量野菌、車厘茄、黃瓜、蘆筍，口感層次豐富，腐皮卷香脆，外型好似雞鎚。泰式素大哈炒金邊粉 $138另外叫左泰式金邊粉，份量好多，味道酸甜，唔食得辣仲可以走辣！配埋2隻素蝦都幾似平時泰式餐廳食開既味道，而且仲無咁油膩。椰香紫薯千層班㦸（+$28）每層班戟都有濃厚椰子忌廉，入口香濃帶有淡淡紫薯味，好味雖然係素菜餐廳，但感覺唔似食緊素，而且仲有好多菜式選擇，好有驚喜！
晚市套餐 $268
前菜有泰式香茅金柚鮮果沙律，沙律有菠蘿、車厘茄、金柚，入口香甜清爽！另外奇亞籽紫薯蘋果薯仔伴莓乾，加左奇亞籽，口感Q軟，不錯！
手卷揀左香芒牛油果苜蓿芽手卷，苜蓿芽都係第一次食，味道清脆，配埋香甜芒果同牛油果，感覺比較健康。
茶樹菇竹笙黃耳百合燉湯
材料豐富，估唔到無肉既湯都可以好清甜滋潤！
黑松露椰菜花野菌忌廉意大利飯配香脆腐皮卷
黑松露香濃，意大利飯入面有大量野菌、車厘茄、黃瓜、蘆筍，口感層次豐富，腐皮卷香脆，外型好似雞鎚。
泰式素大哈炒金邊粉 $138
另外叫左泰式金邊粉，份量好多，味道酸甜，唔食得辣仲可以走辣！配埋2隻素蝦都幾似平時泰式餐廳食開既味道，而且仲無咁油膩。
椰香紫薯千層班㦸（+$28）
每層班戟都有濃厚椰子忌廉，入口香濃帶有淡淡紫薯味，好味
雖然係素菜餐廳，但感覺唔似食緊素，而且仲有好多菜式選擇，好有驚喜！
張貼
