菊月町 (已搬遷) 新店位置

哎哎，我又尼翻觀塘區食好西啦！不得不去嘅菊月町，我終於尼啦！小資女嘅我雖則食唔起Omakase，但都一定要喺度食個丼飯同町鐵板先肯走，因為依度D野食實在太高CP值，師傅用新鮮嘅食材同細心所整出尼嘅日式料理真係太Jeng啦！前菜有2款，沙律配日式芝麻醬，味道清新好開胃；而海帶湯味道則好清甜。豐盛親子丼，一聽個名就知道一定有好多豐富嘅食材啦！帶子，肉身厚實，味道鮮甜。赤蝦，大隻、彈牙。三文魚，肥美，油脂分布平均。三文魚子，份量澎湃，經過醃製，更易入口。蟹棒，味道爽口。薑片、青瓜絲，解膩。珍珠米，經過調味，就咁食飯都唔會覺得寡。町鐵板，帶子、大蝦都依舊肉厚味甜、有彈性，但經過喺鐵板燒之後，有多左浸香味，較丼飯上嘅帶子同赤蝦刺身更為吸引。鵝肝多士，鵝肝外脆內嫩，入口即化，油香味濃，配埋微溫烘熱嘅牛油多士，食落就更有滿足感。