蟹仙海鮮蒸碢大公館

營業中

休息中

去左銅鑼灣同個朋友Shopping，行到腳軟又唔想食茶記，喺度搵食之濟見到有隻好大既蟹喺個樓梯上面，比佢吸引住，望下門口啲海鮮套餐好多都做緊優惠，於是就試一試佢。坐低之後職員介紹唔同套餐分別，又叫我地去魚缸睇下想食邊款海鮮，選擇都好多，最後揀左尊貴海鮮套餐。等左一陣先嚟左一盤海鮮，已經處理好洗乾淨，正當我好擔心要自己落手蒸嘅時候，職員就主動行埋嚟幫我地手，可以坐喺度等食。日本野生大赤蝦大隻厚肉，鮮甜蝦味濃，蝦頭膏非常香。黃金翡翠螺彈牙唔會好韌，用叉一拮就成舊肉出左嚟，蒸既時間恰到好處。大元貝洗得好乾淨，白雪雪，肉質嫩滑。台灣九孔鮑魚鮑魚軟淋易咬開，味道鮮甜。韓國釜山珍珠蠔蠔味非常重，爽口多汁。大西洋野生青口職員蒸既時候特別提醒唔需要落調味，因為本身既海水味已經好夠。饅頭蟹主要食蟹羔，新鮮多羔，仲要唔係成日有貨。澳洲青年龍蝦肉汁非常多，龍蝦肉一舊放哂入口超滿足。膏蟹蟹膏同蟹肉都超多，最花時間食既海鮮，但好值得。