御鐵

營業中

休息中

極尚和牛套餐$1198 （ 御二人樣）西柚蝦沙律上面放有一隻爽口嘅鮮蝦，下面有新鮮嘅蔬菜會有西柚同埋青瓜，加粟米粒，味道酸酸甜甜爽口活龍蝦龍蝦新鮮，肉質爽口彈牙，用龍蝦膏和牛油做汁鐵板炒香，龍蝦七成熟，甘香回味非常好食。活南非鮑魚鮑魚爽口又大隻，旁邊仲配有鮑魚嘅肝臟，味道十分濃郁，軟腍又香口，加埋廚師特製嘅海苔醬一齊食更加出色。香煎牛舌心煎到外面非常焦香，入口濃郁嘅牛肉香味，口感很特別，很好味。和牛薄燒鹿兒島A四和牛，入面包住大量蔥花，入口非常有口感，每一啖都食到牛肉嘅油脂香味，中間蔥花的香味，和牛和蔥花可以咁夾。日式炒雜菜雜菜入面有紅蘿蔔絲椰菜切絲，炒得剛剛好，入口爽脆清甜。日高昆布蜆湯，入口很香的昆布味，加上蜆肉湯頭很清甜，蜆肉很新鮮。海膽海鮮炒飯，飯底用上珍珠米，每粒飯都有蛋醬包住，粒粒分明，入口很有蛋香味，而且甘香。甜品芒果雪糕糕配焦糖多士，雪糕很香芒果味，入口冰涼香甜，焦糖多士很出色，入口卜卜脆，很有焦香味，正。