影片
更多
2024-11-05
95 瀏覽
呢次嚟到和牛割烹小田試Dinner Omakase，呢間餐廳一直以佢獨有嘅小田和牛為賣點，整體氣氛都好有日式情調，環境寧靜舒適，好適合放鬆心情慢慢享受。首先嚟嘅係冷凍炭燒茄子，佢先燒咗再冷卻，入口有炭燒嘅香氣，然後係凍食，呢種做法令茄子保留住燒香味但又保持清新爽口，好特別嘅一個開場小菜。第二道係小田和牛炭燒昆布生牛肉片，牛肉片炭燒過後依然保持鮮嫩，入口即溶嘅質感，加埋昆布嘅鹹香味，牛肉本身嘅香氣提升咗幾個層次，係一個好精彩嘅體驗！到咗關東煮風炖和牛胸肉配蘿蔔，牛胸肉炖到入口即化，同蘿蔔一齊食，味道非常清淡但牛肉嘅鮮味完全釋放，帶出一種非常舒服嘅暖意，簡單而又令人難忘。接住落嚟當然係招牌嘅小田和牛壽喜燒，牛肉仲係配上日本第一嘅Kodawari蛋，肉片輕輕浸喺壽喜燒湯裡面再上蛋液，牛肉既有香濃嘅湯味，又有蛋液嘅滑嫩，兩者配合得無懈可擊，係我成餐飯最期待嘅菜式之一。之後嘅海膽和牛他他壽司，用嘅係和牛生肉同海膽，入口一瞬間海膽嘅鮮味同牛肉嘅細膩口感爆發出嚟，呢個租合真係絕配，令整個味蕾好滿足。再嚟係炭燒小田和牛牛排配時命蔬菜，牛排燒得外焦內嫩，每一啖都有炭燒嘅香氣，加上旁邊啲時令蔬菜啷鮮味，令
首先嚟嘅係冷凍炭燒茄子，佢先燒咗再冷卻，入口有炭燒嘅香氣，然後係凍食，呢種做法令茄子保留住燒香味但又保持清新爽口，好特別嘅一個開場小菜。
第二道係小田和牛炭燒昆布生牛肉片，牛肉片炭燒過後依然保持鮮嫩，入口即溶嘅質感，加埋昆布嘅鹹香味，牛肉本身嘅香氣提升咗幾個層次，係一個好精彩嘅體驗！
到咗關東煮風炖和牛胸肉配蘿蔔，牛胸肉炖到入口即化，同蘿蔔一齊食，味道非常清淡但牛肉嘅鮮味完全釋放，帶出一種非常舒服嘅暖意，簡單而又令人難忘。
接住落嚟當然係招牌嘅小田和牛壽喜燒，牛肉仲係配上日本第一嘅Kodawari蛋，肉片輕輕浸喺壽喜燒湯裡面再上蛋液，牛肉既有香濃嘅湯味，又有蛋液嘅滑嫩，兩者配合得無懈可擊，係我成餐飯最期待嘅菜式之一。
之後嘅海膽和牛他他壽司，用嘅係和牛生肉同海膽，入口一瞬間海膽嘅鮮味同牛肉嘅細膩口感爆發出嚟，呢個租合真係絕配，令整個味蕾好滿足。
再嚟係炭燒小田和牛牛排配時命蔬菜，牛排燒得外焦內嫩，每一啖都有炭燒嘅香氣，加上旁邊啲時令蔬菜啷鮮味，令牛肉更加突出，呢道菜嘅質感同味道都好豐富。
主食就係小田和牛蘑菇松露魚子飯，每一啖飯都吸滿咗松露同魚子嘅鮮味，再配上和牛同蘑菇，濃郁得嚟唔會膩，仲有一碗簡單但味道十足嘅麵豉湯，為呢餐做咗一個好好嘅收尾。
最後嘅甜品係豆腐布甸配楓醬，布甸滑到唔得，楓糖漿嘅甜味適中，為呢餐Omakase畫上咗一個完美句號。
整體嚟講，呢度嘅小田和牛無論係質素定係烹調手法都做到好精緻，環境舒適、服務貼心，每一道菜都有其特色，唔單止食材高質，成個用餐體驗都令人覺得享受。係一個值得嚟慢慢品嚐嘅Omakase餐廳。
張貼
