黑門水產すいさん (棉登徑)

今次又來到黑門水產，佢嘅環境真係恍如置身於日本嘅黑門市場一樣逼真度好高，所以都10分推薦呢間餐廳 之前已經食過一次，已經被佢嘅甲羅燒念念不忘。今次亦都再慕名而來，相比坊間甲羅燒，呢度蟹膏味特別香濃鮮甜、口感更Creamy，真係爆多蟹膏，就咁點梳打餅都好好食，梳打餅更加可以免費加添，食得夠盡興。創新菜式仲有呢道Fusion菜黑門令大漁魚子醬脆脆包，上枱時麵包依然好脆，配埋豐富香濃嘅魚子醬、海膽、魚籽等材料，作為前菜或佐酒都好滿足。當然唔少得在必點刺身六盛拼盤，有三文魚拖羅帶子同海膽等呢啲貴價嘅日本刺身，味道夠先甜。亦都推介佢嘅龍蝦湯煮海鮮，煮好之後個湯更加飲，有好濃嘅龍蝦味，千祈唔好錯過。另外飲品都好fusion有奇異果青檸梳打同埋日本酒，大家都可以慢慢小酌幾杯。