YAKITORI KOBAKO

營業中

休息中

呢間係涉谷已經有60年嘅串燒店，由日本人主理，大部份侍應都係日本人，有吧枱位亦都有梳化位，好有氣氛。🍈 沖繩苦瓜釀免治豬肉苦瓜苦中帶有一絲甜味，配合住豬肉嘅鮮嫩，恰到好處。🍜 沖繩炒麵經典嘅沖繩味道，有韭菜、椰菜、芽菜同埋豬肉，配料好足。🍊 沖繩四季柑果汁沖繩四季柑嘅味道清新，酸甜平衡。🥜 花生豆腐呢個係一個比較特別嘅開胃小食，之前冇聽過都冇食過，豆腐口感又滑又糯，小小似麻糬嘅感覺。夾雜着花生醬，味道非常特別。🍤 炸花生豆腐同花生豆腐相比，呢款炸過嘅花生豆腐外脆內軟，炸得非常恰當。外面包住薄薄嘅脆皮。🍗 日式炸雞炸雞嘅外皮好脆，啱啱炸完就係金黃色，食落去外脆內嫩，雞肉好juicy，完全唔乾。🥪 吉列芝士火腿三文治呢個三文治絕對係我嘅最愛之一！芝士溶溶地，火腿中和芝士嘅油膩，配合住金黃色嘅吉列外層，口感超級豐富。外脆內軟，可以一試！🥟 鐵板燒餃子呢款鐵板燒餃子一端出嚟就係熱辣辣嘅，香氣撲鼻！餃子外皮脆脆，內裡餡料多汁。熱辣辣嘅鐵板效果令到餃子更加香脆，仲可以聽到餃子嘅“滋滋”聲。