一輪 (一門町市場)

[ 一輪•和牛漢堡專門店 ]上次介紹過荃灣荃新天地2期地下新開幕「一門町市場」美食廣場，有近十間本地、日式、手搖飲品、小食等食店。今次去食呢間主打席前烤製日本北海道和牛漢堡扒🇯🇵🔥🐮，套餐最平$88，仲可以任食珍珠米飯🍚。 ✿ 套餐A $881件原味和牛漢堡扒1件香辣蕃茄汁和牛漢堡扒配和風沙律、麵豉湯、半熟溫泉蛋、任食珍珠米飯✿ 套餐B $982件和牛漢堡扒（自選醬汁：原味/香辣蕃茄汁/三重芝士汁）配和風沙律、麵豉湯、半熟溫泉蛋、任食珍珠米飯漢堡扒用上日本北海道十勝產黑毛和牛🇯🇵及澳洲M級和牛🇦🇺，廚師係席前燒烤🔥漢堡扒，再將漢堡扒放係食客面前嘅鐵板保溫，食用時依然熱辣辣。和牛漢堡扒面層燒得焦香微脆，內裡有豐富肉汁。有3款口味選擇：原味、香辣番茄汁、三重芝士汁。「原味」🐮食到和牛原汁原味，牛味濃郁。「香辣番茄汁」🌶🍅番茄味較突出，帶點微辣，開胃惹味。「三重芝士汁」🧀廚師即席淋上熱溶芝士醬，再手刨芝士碎，芝士味夠濃厚好邪惡。總結🫦 和牛漢堡扒每件都好厚實，而且套餐更可任食珍珠米飯，最平套餐一百蚊有找，性價比高。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿一輪•和牛漢堡專門店地址