盈館

營業中

休息中

嗰日我約咗我大學嘅同學一齊去旺角食午餐，去咗盈館。一間我哋大家都根試好耐嘅餐廳。環境舒服乾淨，我哋就邊傾邊食，悠閒咁過咗個午餐時間。🔘養顏花膠雞煲濃郁嘅湯底，充滿咗花膠同雞肉嘅鮮味，花膠入口即化，雞肉鮮嫩可口，成鍋雞煲都唔夠我哋食。🔘避風港脆茄外皮香脆酥口，內裡鮮嫩，入口即化，味道甜中帶鹹，非常適合作開胃菜。🔘豉蒜虎皮尖椒豆豉同蒜蓉嘅味道完美結合，香氣散發開嚟，食落去帶有少少微辣感，尖椒亦都非常脆口，令人食指大動。🔘金蒜陳醋拍青瓜味道清爽酸甜，結合咗唔同層次嘅口感，每一啖都可以食到所有食材融合起嚟嘅味道，令人難以抗拒。🔘鮑汁炆鳳爪鳳爪肉質鮮美多汁，每一隻鳳爪都被鮑汁包圍，而且都充滿咗香氣，係一道我哋所有人都鍾意食嘅港式點心。🔘金湯小籠包我願稱之為爆汁小籠包，咬落去真係好爆汁。薄薄嘅外皮加上滿滿嘅內餡，一口咬落去，熱辣辣嘅湯汁滿滿咁包圍咗成個口。真係好正！由於我哋係午餐時間去，所以我哋食咗原價嘅養顏花膠雞煲。我哋所有人都決定下次再去食養顏花膠雞煲晚市大優惠$168一份。真係好抵。