影片
更多
2023-10-17
746 瀏覽
呢間旺角小店招牌已經好吸引 餃燃掂聽個名好似就真係好掂咁😗唔單止可以食湯/煎餃 連串燒同飯後甜品都樣樣俱全 食飽都可以係度食埋個甜品！🥟明太子芝士流心粟米豬肉餃（6隻）💰48見到店員就坐係角落包餃子 呢隻煎餃雖然煎到有D燶邊 但係口味都冇受影響 出面淋左芝士醬 咬開都有小小爆汁嘅芝士流心 加上清新嘅粟米咬落一啖好清甜！店家仲有自家製豆瓣醬 見到佢地現畢入每個細罐度 超推薦餃子點上豆瓣醬😍🥩牛舌心💰28講真牛舌賣$30樓下都真係好少見🥹呢三塊牛舌又冇話特別細塊 厚度都好惹人流口水點上燒汁又灑上芝麻 咬落口仲會有肉汁流出來 嫩到可以咬開幾細塊！牛舌愛好者可以have a try🍖豚肉荔枝串💰22食慣左豚肉蘆筍串 原來入面包荔枝都咁正！荔枝去核之後被一塊豬肉捲住一齊燒 入面嘅荔枝好甜 五花腩咬落脆脆地 些許嘅油膩感都被隱藏嘅荔枝hide曬 清新嘅搭配真係值得一試！🍖豬頸肉💰14豬頸肉都有三塊 可能搽左D燒汁所以比較甜 同泰式個隻有有D分別！🦪芝士/蒜蓉焗蠔💰20🍳明太子玉子燒💰32有兩塊玉子 望落好細塊但係食落𠝹開好幾塊都食唔曬咁😛表面有層炙燒過嘅芝士醬 切開就有粉紅色嘅明太子流心 明太子偏
呢間旺角小店招牌已經好吸引 餃燃掂聽個名好似就真係好掂咁😗唔單止可以食湯/煎餃 連串燒同飯後甜品都樣樣俱全 食飽都可以係度食埋個甜品！
🥟明太子芝士流心粟米豬肉餃（6隻）
💰48
見到店員就坐係角落包餃子 呢隻煎餃雖然煎到有D燶邊 但係口味都冇受影響 出面淋左芝士醬 咬開都有小小爆汁嘅芝士流心 加上清新嘅粟米咬落一啖好清甜！店家仲有自家製豆瓣醬 見到佢地現畢入每個細罐度 超推薦餃子點上豆瓣醬😍
🥩牛舌心
💰28
講真牛舌賣$30樓下都真係好少見🥹呢三塊牛舌又冇話特別細塊 厚度都好惹人流口水點上燒汁又灑上芝麻 咬落口仲會有肉汁流出來 嫩到可以咬開幾細塊！牛舌愛好者可以have a try
🍖豚肉荔枝串
💰22
食慣左豚肉蘆筍串 原來入面包荔枝都咁正！荔枝去核之後被一塊豬肉捲住一齊燒 入面嘅荔枝好甜 五花腩咬落脆脆地 些許嘅油膩感都被隱藏嘅荔枝hide曬 清新嘅搭配真係值得一試！
🍖豬頸肉
💰14
豬頸肉都有三塊 可能搽左D燒汁所以比較甜 同泰式個隻有有D分別！
🦪芝士/蒜蓉焗蠔
💰20
🍳明太子玉子燒
💰32
有兩塊玉子 望落好細塊但係食落𠝹開好幾塊都食唔曬咁😛表面有層炙燒過嘅芝士醬 切開就有粉紅色嘅明太子流心 明太子偏鹹 同甜口嘅玉子有雙重口感 蛋液煎得剛好好嫩！炙燒完隻色真係好有食慾😗
🍆茄子（條）
💰34
原條茄子應該係串燒名物 呢度嘅都超香同幾大條 抹上散發香味嘅三件套-芝麻 蒜蓉 香蔥真係香到令人食指大動😩茄肉燒得汁水仍存 同時茄子皮又薄到好似張紙咁 但係又冇碳烤嘅痕跡 火候掌握得幾好！
🥬娃娃菜
💰16
冇諗過娃娃菜可以係串燒嘅蔬菜入面都咁出色😭呢個價錢係兩大顆娃娃菜 辣椒粉 孜然粉嘅點綴令娃娃菜都係碳烤界大放異彩 娃娃菜嘅汁水冇被燒乾 清甜嘅口感仲keep到😗
🍢日本芝士年糕
💰14
唯一唔推薦可能就係呢個日本芝士年糕 本身以為係流心爆漿嘅圓形年糕 但係原來係打邊爐常見嘅「麻糬寶」🥺好彩烤得入面嘅麻糬都漲到好似伸懶腰咁撐出來 出面層都幾軟！
整體來講呢度真係都幾多選擇 甜品仲有自家熬製嘅芝麻糊等 芒果乳酪小丸子芋圓都有！姨姨嘅態度都好好 一路推薦有乜好食 但係好似漏左幾單 希望下次會上齊！
張貼
