星嵐

營業中

休息中

餐廳：星嵐地點：天后清風街菜式：日本菜餐牌：特色丼飯，烏冬，鍋物，壽喜燒，定食，小食，飲品星嵐肥牛咖喱湯烏冬 $98星嵐肥牛咖喱湯烏冬用熱鍋上枱，熱辣辣。有幾塊肥牛，都算嫩，配有少少洋蔥絲、京蔥絲加兩片紫菜。烏冬滑溜且掛汁，食落好濃咖哩味，味道少少辣，烏冬份量夠多，好飽肚。跟有日本麵豉湯同前菜。日本麵豉湯有少少腐皮。前菜係帶子裙邊配青瓜。星嵐迷你烏冬冬 $70星嵐迷你烏冬冬包括小吃日本吉列BB蝦；主食二選一，我揀左迷你雞肉日本湯烏冬；湯底三選一，我揀左自家製番茄湯；飲品二選一，我揀左橙汁；甜品有粒粒啫喱仔。成個餐以非常可愛造型上枱，有小熊餐墊，食物就用米奇老鼠餐具上枱，叉羹都係米奇老鼠。日本吉列BB蝦一客兩隻，炸得皮脆肉鮮嫩，非常好食，配有沙律醬入口更滑溜。雞肉日本湯烏冬伴有一片日式魚蛋，一片白蘿蔔，昆布同蔥花，烏冬滑溜。個湯番茄味唔錯，帶點鹹香。小店食物質素可以，價錢唔貴。