一遊

營業中

休息中

<讚👍🏻>.🥣油甘魚刺身🥣：💰$128厚切油甘魚刺身夠鮮美，口感柔軟，味道清淡同時魚味濃郁，沾上醬油芥末，更突顯魚肉鮮味。🥣鱚魚天婦羅🥣：💰$642條炸原條鱚魚，好脆又厚實而不硬，配兩片厚切天婦羅蕃薯，一碟好足料既前菜呀。🥣壽司6貫🥣：💰$180每粒飯都好甜，壽司係一口size，帶子鮮甜，甜蝦肥美，海膽量多，每片刺身都好鮮甜好滑嫩。🥣豚肉豆腐煮🥣：💰$92薄切豚肉，少少油脂帶出陣陣油香味，湯底甜甜地似壽喜燒，豆腐好滑，配碗飯一流！🥣傳統厚燒玉子燒🥣：💰$65切開玉子已經見到由好多層摺疊已成，口感軟綿，以香濃蛋味為主，冇想像中咁甜。🥣鰻魚炒飯🥣：💰$168鰻魚份量多，接近啖啖肉，每一口炒飯色澤均勻，感受到鰻魚鮮香，鰻魚愛好者會食唔停🤭🥣串燒系列🥣：雞中翼（$32）單骨易食，雞皮烤到香脆；牛肉蘆筍（$48）薄牛肉片包住爽口蘆筍，黑椒味配香濃牛味；燒翠玉瓜（$26）厚切無敵，爽口入味；燒雞皮（$32）要趁熱食，香脆且夠油香！🥤巨蜂乳酸梳打🥤：💰$42粉紫色好靚，味道似某隻提子軟糖味。🥤新鮮水果茶🥤：💰$78茶底較重士多啤梨味，有新鮮水果塊，好濃郁清甜。