AOAO

營業中

休息中

呢間餐廳裝修走型格路線，感覺好cool；可以話係酒吧，因為酒嘅款式及品種都非常之多，又可以話係西日fusion餐廳，用西式嘅概念以日式嘅做法；呢喥仲有戶外區域，感覺都好chill🥰。🥢前菜小吃醃漬蒜頭及牛蒡：坐下先來兩款小吃，鹹香爽脆，而且都非常開胃。🥢AKAGAI爽脆鮮甜嘅赤貝包住香蔥及蘆筍，口感清新鮮爽。🥢SHREDDED CELTUCE SALAD爽脆嘅萵筍切到幼幼長長，面頭舖上三文魚籽、蘿蔔蓉及鰹魚絲，並配上 鹹鹹香香嘅湯汁，極像冷麵一樣。🥢CARAMELIZED PUMPKIN薄薄一層微微焦香嘅焦糖，包住香甜軟綿嘅南瓜，入口熱辣辣，感覺暖意入心。🥢CHARCOAL GRILLED EEL侍應即場用炭烤香鰻魚嘅表皮，所以食落好香脆，而且炭香味亦超濃，正因為沒有濃濃嘅醬油調味，所以食到鰻魚嘅原味道及魚油嘅甘甜。🥢A4 WAGYU CUTLET CHARCOAL SANDO以竹炭麵包夾住炸到脆卜卜嘅吉列外皮，配合粉嫩肥美、甘香味濃嘅和牛， 確實係極級豪華又肥美嘅三文治。🍰抹茶芝士餅芝士味濃香，口感幼滑，同時帶着清新嘅抹茶味。🧆大福餅Q彈軟糯嘅外皮配合綿滑紅豆餡，傳統日本小食嘅風味。