一門 (已結業)

呢間好近銅鑼灣F出口嘅日本店，素有聽聞，今日同朋友上嚟閨蜜談心～👍🏻日本烏頭刺身每片晶瑩剔透，薄薄一片好考刀功，食落無咩腥味，魚肉味道趨向輕盈清甜，質感軟身 ，可以輕蘸餐廳附上嘅酸汁，搭配不錯。好好彩咁啱撞正即日飛機空運而來～👍🏻時令壽司🤍帶子厚厚兩片，界上坑紋，塗上秘製醬汁，有甜甜餘蘊。🤍油甘魚非常肥美，輕微火炙後魚油脂更加澎湃，入口嫩身。🤍賴尿蝦好鮮甜，帶有少少海水嘅咸味，上面配有少少薑蓉，入口更能提鮮。👍🏻蟹肉玉子燒蛋味香濃，蛋卷實淨，裏面滿滿嘅鮮甜蟹肉，一絲一絲，職員建議可以點上蘿蔔蓉，口感會再清新一點。👍🏻燒安格斯牛扒一整塊切好上碟，肉質粉嫩，黑椒味較搶，入口相對帶有嚼勁。👍🏻柚子豚肉豆腐石鍋湯整鍋有滿滿配料：豆腐、娃娃菜、雞蛋、蔥花、昆布、豚肉。柚子味都唔係特別出，但湯頭都好清甜，飲啖湯即刻全身暖笠笠。👍🏻日本玄米茶呢度係一壺壺上，有兩個小杯。裏面唔係囉茶粉，反而真係用一個茶袋焗泡。入口好清，好有菜香，仲可以不停加水 。👍🏻👍🏻餐廳環境昏暗得來好有格調，枱與枱之間嘅空間好足夠。