影片
更多
2024-01-05
26 瀏覽
尋晚去左銅鑼灣食呢間omakase, 夜晚menu 係得一種, 有2款前菜+ 5款刺身 + 2款季節料理 + 壽司十貫 + 湯 + 甜品今晚主理嘅係鄧師父, 入行29年, 係日本工作過兩年,非常健談👍🏻正值日本新年, 所以season 菜以日本新年為題,第一個前菜, 有黑豆,芝海佬, 伊達卷, 重點係個伊達卷, 有d 似密度高嘅cake, 問左師父, 佢話係用雞肉魚肉做,食落開胃. 第二個菜係日本人過年會飲嘅清湯, 車海佬(代表長壽) 肉身爽口, 紅白蘿蔔, 年糕(好煙靭, 有少少痴牙), 將柚子放落去湯到浸一陣再飲, 湯好鮮跟住就到刺身, 第一道真太羽, 配酸汁, 味道好夾, 本身味淡, 酸汁可以吊出鮮味關鯖, 鯖魚得呢種可以做刺身, 師父話為左我地方便食, 所以中間切多刀,好細心, 味道不過不失水八爪魚, 配醬油漬wasabi, 點少少已經足夠, 爽口, 然後師父拎左原條八爪魚出黎俾我地影相😂香箱蟹,松葉蟹嘅女仔, 蟹膏好多, 味道似麵包蟹但質感軟身少少, 最緊要唔洗自己拆,大大啖食白見貝,赤貝, 白見貝爽口, 赤貝好滑, 配鹽食係第一次, 根子蘿蔔蓉, 根子好彈牙, 師父仲拎左兩
今晚主理嘅係鄧師父, 入行29年, 係日本工作過兩年,非常健談👍🏻
正值日本新年, 所以season 菜以日本新年為題,第一個前菜, 有黑豆,芝海佬, 伊達卷, 重點係個伊達卷, 有d 似密度高嘅cake, 問左師父, 佢話係用雞肉魚肉做,食落開胃. 第二個菜係日本人過年會飲嘅清湯, 車海佬(代表長壽) 肉身爽口, 紅白蘿蔔, 年糕(好煙靭, 有少少痴牙), 將柚子放落去湯到浸一陣再飲, 湯好鮮
跟住就到刺身, 第一道真太羽, 配酸汁, 味道好夾, 本身味淡, 酸汁可以吊出鮮味
關鯖, 鯖魚得呢種可以做刺身, 師父話為左我地方便食, 所以中間切多刀,好細心, 味道不過不失
水八爪魚, 配醬油漬wasabi, 點少少已經足夠, 爽口, 然後師父拎左原條八爪魚出黎俾我地影相😂
香箱蟹,松葉蟹嘅女仔, 蟹膏好多, 味道似麵包蟹但質感軟身少少, 最緊要唔洗自己拆,大大啖食
白見貝,赤貝, 白見貝爽口, 赤貝好滑, 配鹽食係第一次,
根子蘿蔔蓉, 根子好彈牙, 師父仲拎左兩粒根子出黎彈俾我地睇, 有別於一般根子, 層衣都厚身, 呢道菜分兩層食, 第一層全根子, 第二層撈埋d 蘿蔔蓉食, 一食兩味, 兩種味道👍🏻
白子昆布醬油燒, 燒得好香, 入口即溶, 油而不膩嘅感覺
兵庫縣蠔, 蠔味重, 蠔肉厚實
金目鯛, 口感軟熟, 魚脂比較少, 味道不過不失(可能係我鐘意食魚脂多嘅魚)
神奈川池魚, 肉質有彈性, 都係魚脂較少
富山縣寒鰤, 呢個第一次食, 師父話要夠凍先食到, 而當地人話如果無食過呢隻魚, 等於無過過冬天, 味道特別,厚身, 掛住聽介紹呢隻魚,連相都唔記得影就食左😂
青森縣帆立貝, 好滑好淋身, 口感非常好,,都係掛住同師父吹水唔記得影😂
福岡縣槍油魚,入面有紫蘇葉, 平身我唔太好紫蘇葉, 但兩者放埋一齊, 又好夾
大拖羅腩, 師父點左少少鹽, 食果陣唔需要點豉油, 好滑, 油香
醬油漬吞拿魚, 魚嘅中心部位, 瘦肉, 呢個不過不失
超肥大拖, 呢個真係全場mvp, 好重油脂感, 如果舊飯再大d, 入口吸多少少油, 就真係完美
北海道馬糞海膽手卷, 好滑, 無好重臭味
吞拿魚蓉配蔥, 料好足, 係飯嘅兩倍份量
魚湯, 好重魚鮮味
最後甜品, 福岡士多啤梨十勝紅豆糕, 呢個唔算太甜, 啱我口味
總結: 鄧師父非常健談, 每一道菜介紹之餘, 仲講左好多額外嘅日本野俾我地知, 講下生活點滴, 店入面嘅環境好好, 尤其是店後嘅廁所, 裝修都係精心設計過, 環境絕對係滿分之作
張貼
