龍城冰室

營業中

休息中

自從恢復晚市之後，就會想約吓好多好久不見嘅朋友。最近有個朋友行動不便，所以就去探吓佢，然後就喺樓下搵間冰室簡簡單單食餐飯傾吓偈。而家嘅港式茶記都進化咗好多，好多都變得有裝修、有服務、而且食物選擇豐富，一定有一款會滿足到食客嘅要求。朋友少食中菜，所以揀咗小菜套餐，套餐包括小菜、白飯同中湯，加$6仲有熱飲。小菜揀咗蜜椒薯仔牛柳粒，薯仔切成同牛柳粒差不多大小，先將薯仔粒炸成脆邊，再與煎香咗嘅牛柳粒混合蜜糖炒勻，牛柳粒嘅份量一啲都唔少，餸飯一流。鐵板海鮮炒烏冬有好多唔同款式嘅雜錦海鮮，包括有魷魚、蝦、青口、珍珠帶子等等，味道不俗。奶茶一向都係每間茶餐廳嘅靈魂，而呢度嘅奶茶既香又滑，屬於高質素嘅水平。離開時我仲喺呢間龍城冰室買咗麵包，留待第二日做早餐，屋企人話麵包都好好味，下次經過又可以買返屋企。