影片
更多
2024-07-09
731 瀏覽
見到屋企對面新開咗呢間餐廳，記得之前喺海運都想試，星期日夜晚終於有時間試到可能餐廳新開的關係，其實有好大改善嘅空間首先，我同媽媽嚟食，打算叫一個主食，一個甜品，兩杯飲品，因為我哋想食完主食先至上甜品，所以落單嘅時候，甜品備註咗叫起。落完單之後，有侍應過來通知我們，甜品雖然寫咗叫起，因為系統問題，其實佢哋會一齊做的，所以如果下次想甜品後上的話，要分開落單，我們同意咗，冇問題的。不過，之後問題來了，我們的主食，大約在下單後半小時才到，我們以為甜品要做時間比較長，大約下單1小時還未到，發覺唔對路🧐去問問職員係咪漏咗單，先至發覺，原來廚房見到叫起，真係要叫佢先起🤣咁之前侍應講嘅嘢又係點樣？😅😅😅第二個問題，我哋叫咗兩杯飲品，第一杯係紫薯牛奶，賣相幾好，我都試飲咗一啖，正正常常。第二杯飲品係芒果沙冰，影相效果一流，不過芒果味道比較淡，飲落去又冇乜甜味🫠主食我哋叫咗燒醬油黑毛豬白切肉紫蘇飯，個賣相的確係幾好，不過啲飯得少少辣味，冇乜鹹味，我懷疑廚房冇落鹽🤣🤣🤣黑毛豬都算幾好食😋最後甜品，揀咗芒果窩夫，又係賣相一流，呢個甜品係成晚最好食，窩夫幾有蛋香味，忌廉又唔會太漏，雖然芒果唔係太甜，但係芒果醬做
可能餐廳新開的關係，其實有好大改善嘅空間
首先，我同媽媽嚟食，打算叫一個主食，一個甜品，兩杯飲品，因為我哋想食完主食先至上甜品，所以落單嘅時候，甜品備註咗叫起。落完單之後，有侍應過來通知我們，甜品雖然寫咗叫起，因為系統問題，其實佢哋會一齊做的，所以如果下次想甜品後上的話，要分開落單，我們同意咗，冇問題的。不過，之後問題來了，我們的主食，大約在下單後半小時才到，我們以為甜品要做時間比較長，大約下單1小時還未到，發覺唔對路🧐去問問職員係咪漏咗單，先至發覺，原來廚房見到叫起，真係要叫佢先起🤣咁之前侍應講嘅嘢又係點樣？😅😅😅
第二個問題，我哋叫咗兩杯飲品，第一杯係紫薯牛奶，賣相幾好，我都試飲咗一啖，正正常常。第二杯飲品係芒果沙冰，影相效果一流，不過芒果味道比較淡，飲落去又冇乜甜味🫠主食我哋叫咗燒醬油黑毛豬白切肉紫蘇飯，個賣相的確係幾好，不過啲飯得少少辣味，冇乜鹹味，我懷疑廚房冇落鹽🤣🤣🤣黑毛豬都算幾好食😋最後甜品，揀咗芒果窩夫，又係賣相一流，呢個甜品係成晚最好食，窩夫幾有蛋香味，忌廉又唔會太漏，雖然芒果唔係太甜，但係芒果醬做咗增添味蕾嘅效果，所以成晚唯一令到我滿意嘅就係呢個甜品🥹
第三個問題，呢間餐廳，原來晚上八點關門😅點解會咁早關門？🤣🤣🤣
坦白講，暫時我都應該唔會再食呢一間，或者其他分店，雖然侍應嘅服務態度係幾好，不過以味道，落單系統處理，出菜速度，不太令人接受🤦🏻♀️
張貼
