幸屋

營業中

休息中

掛住日本嘅味道，就即刻搵咗間似足日式家庭式拉麵店食返餐好嘅！餐廳喺巷仔入面，樓底好高，座位似足日本街邊小店，放工OT完食特別有風味～赤武士 辛味拉麵湯頭香辣濃郁，唔會死咸或者死辣，麵條粗細中等口感唔錯，份量都好充足！魚介豚骨沾麵湯汁味道鮮甜，加入魚介粉後更加香濃，唔會過鹹。麵條方面，口感煙韌彈牙，而且幾掛湯，CP值頗高。和風餃子外觀一睇就充滿日式風味，豬肉餡餃子外層包裹住一層薄脆，加埋沙律醬同木魚，味道好豐富。蒜香雞軟骨粒粒酥脆惹味，一拎上枱有陣陣蒜香味，配埋拉麵同沾麵正呀！