影片
更多
2016-02-12
2974 瀏覽
年中都試唔少新餐廳，但大部分都係一次即止，甚少回頭，當中只有大約一成係久不久又想再食，一門就係其一。第一次去一門大約係十年前，自從食過佢的玉子燒就一直念念不忘。玉子燒有好多種口味：芝士、雜菌、蟹肉等等，但我只喜歡咩都冇的原味（$48），咁先品嚐到蛋汁甜味。自己都整過幾次玉子燒，要做得好唔容易，就算係其他日式餐廳都唔係間間有水準。呢度的玉子燒係有一手，軟綿到好似綿花，幾乎入口即溶，內裡充滿蛋汁，加少少醬油同蘿蔔蓉更加美味。唔知大家細個有冇睇味吉陽一，食到好味嘢會係雲上飄好似有點誇，但我食呢度的玉子燒真係會有幸福感覺，佢就係我的comfort food。做得居酒屋當然串燒都要有咁上下，我鍾意食牛舌（$42），雖然偏薄身，但都幾爽脆，調味亦唔過鹹。其他係鹽燒鰻魚（$55）、汁燒帶子（$35）、雞肉串（$25）、免治雞肉串（$25），我只試到後兩者，都係預期中的味道，但起碼唔會燒得乾。居酒屋就算有提供壽司，通常款式唔多，同埋比較少逐款點，一門壽司都係雜錦款式，分別在於數量，10件（$250）有海膽、蝦、吞拿魚碎軍艦、三文魚、帶子、吞拿魚等等，幾豐富，魚多飯少，賣相都標準，鮮度ok。蛤蜊香草鐵鍋
第一次去一門大約係十年前，自從食過佢的玉子燒就一直念念不忘。玉子燒有好多種口味：芝士、雜菌、蟹肉等等，但我只喜歡咩都冇的原味（$48），咁先品嚐到蛋汁甜味。自己都整過幾次玉子燒，要做得好唔容易，就算係其他日式餐廳都唔係間間有水準。呢度的玉子燒係有一手，軟綿到好似綿花，幾乎入口即溶，內裡充滿蛋汁，加少少醬油同蘿蔔蓉更加美味。唔知大家細個有冇睇味吉陽一，食到好味嘢會係雲上飄好似有點誇，但我食呢度的玉子燒真係會有幸福感覺，佢就係我的comfort food。
做得居酒屋當然串燒都要有咁上下，我鍾意食牛舌（$42），雖然偏薄身，但都幾爽脆，調味亦唔過鹹。其他係鹽燒鰻魚（$55）、汁燒帶子（$35）、雞肉串（$25）、免治雞肉串（$25），我只試到後兩者，都係預期中的味道，但起碼唔會燒得乾。
居酒屋就算有提供壽司，通常款式唔多，同埋比較少逐款點，一門壽司都係雜錦款式，分別在於數量，10件（$250）有海膽、蝦、吞拿魚碎軍艦、三文魚、帶子、吞拿魚等等，幾豐富，魚多飯少，賣相都標準，鮮度ok。
蛤蜊香草鐵鍋燒（$78）類似清酒煮蜆，不過換左牛油香草汁，味道更香，淨飲都一流。蛤蜊唔係大隻，但每隻都好厚肉鮮甜。
想飽肚可以食石頭飯，泡菜豚肉石頭燒飯（$75）大概可以分到5碗，熱辣辣之餘仲有少少飯焦，泡菜酸辣惹味，算有水準。
在此再感謝朋友請客值得去指數：
題外話/補充資料：
注意要記得訂位，walkin比較難，仲有繁忙時間限食1.5小時。
(以上食評乃用戶個人意見 , 並不代表OpenRice之觀點。)
張貼
