和宴

營業中

休息中

家姐最近介紹我一家喺尖沙咀嘅日本燒肉店。啱啱好今日得閒，就約埋家姐一齊去食。家姐話呢度最令佢難忘就係和牛嘅味道。所以我哋叫咗和牛赤身盛盤，入面有三款牛肉分別係牛扒肉、肩肉眼同橫隔膜肉扒。呢度嘅侍應好貼心，仲放咗牌仔俾我哋知道牛肉嘅部位。三款牛肉都係粉紅色，仲有靚嘅雪花。燒完之後，濃郁嘅牛肉香味撲鼻而嚟，滑嫩多汁，令人欲罷不能！牛肉筋都好味呀！牛肉筋點埋酸汁一齊食，酸中仲帶有牛肉本身嘅甜味，真係好開胃。而且牛肉筋本身就比較軟，食落特別香！除咗牛肉，燒雞肉都有酸汁做配搭。雞肉燒得香味十足，肉質滑嫩，點埋酸汁一齊食，更加能夠突顯出雞肉本身嘅風味，兩款菜式我都好鍾意！仲有我第一次試嘅和牛刺身，雖然唔係熟嘅牛肉，但係食落第一啖完全冇腥味，仲帶出咗牛肉本身嘅甜味，有啲驚喜到我。而且刺身嘅分量啱啱好，我哋兩個人都食到好滿足！原來蠔肉配清酒嘅味道係咁完美嘅。呢度嘅蠔肉真係好大隻，好厚身，再加埋淡淡嘅酒香，蠔肉嘅味道更加鮮甜，真係正到爆！