博派麵館 (已結業)

收工後,自己一個人唱一首獨唱的歌,喺荃灣行下睇下，竟然喺條橫街俾我見到transformer嘅大黃蜂豎立喺街上面，完全吸引到我!望真啲原來係一間叫博派麵館嘅食肆,好奇心驅使下我就入去享用我今晚嘅一個人晚餐..一坐底落完order,就發現呢個裝辣椒油嘅器皿都幾應題,幾得意!*脆炸珍珠奶茶呢個鎮店之寶之一嘅食品,好香口,味道真係好似珍珠奶茶咁,但又唔似甜品,都幾特別!*鹹菜豬肚湯麵湯味十足，再加有濃濃嘅胡椒味,凈飲個湯都夠滋味！食材選料新鮮,豬肚勁爽囗，讚!估唔到荃灣又有一間價錢合理又好味嘅餐廳,成日唔煮飯嘅朋友可以考慮下呢度,有靚湯底又有麵食，正！