有口福 (已搬遷) 新店位置

九龍城除咗有泰國嘢食之外仲有好多好嘢食在住係九龍城的親戚極力推薦下..今晚同男朋友嚟咗試呢間有口福..睇下個menu... 除左可以打邊爐..仲可以點唔同川味小炒..魚類..雞煲等等不同嘅食物選擇...我地見到有好多火鍋配料選擇...所以決定打邊爐...我地點左胡椒豬肚湯底.. 水豆腐..白蘿蔔..刀削麵..手打三寶丸（蝦丸..墨魚丸..鯪魚丸）..韮菜餃..白菜餃..讚歧冰烏冬....睇下個胡椒豬肚湯底幾吸引..湯底非常濃郁充滿豐富的胡椒味..仲有店員超細心幫你片起D泡泡..另外入面好足料..有好多軟熟的豬肚..咬感一流...另外水豆腐及白蘿蔔的味道十分清新..讚歧冰烏冬及刀削麵煮熟後再配合手打三寶丸來食非常好味...想特別讚揚蝦丸，墨魚丸，鯪魚丸..用料十足...韮菜餃及白菜餃放在胡椒豬肚湯底裏煮可以將其鮮味完全帶出..味道一流!男朋友見到隔離枱點左避風塘雞中翼...賣相十分吸引..我地都忍不住點了一碟...睇下幾大碟...雞中翼整得相當香脆..配合埋大量炸蒜粒..十分惹味..口感亦十分有層次...呢度好爆..下次要早點來試一試佢地嘅特色雞煲先得!