影片
更多
2023-07-17
13 瀏覽
好似唔係間間omakase都咁易book到有時想weekend食又多人有得online book檯太方便聽師傅講原來啱啱先搬唻跑馬地既地鋪，清新又典雅既造景門面，裝修風格行木系日式簡約風，餐廳後面仲有個庭園。我地就坐正係師傅對面，不單止睇住師傅處理我地既食材，師傅仔細咁逐一介紹每樣食物，又同我地閒話家常，成個用餐體驗滿意又愉快。前菜師傅就為我地準備左由澤蟹、鰻魚八幡卷同埋水雲醋物，輕食為主，味道淡淡地，係一個唔錯嘅起手。之後仲有個用鱧做既吸物。鱧魚香港少見，因為本身多骨，而且骨肉相連好難拆開。師傅就用將魚肉連骨切碎，再加上酸甜既莓作點綴，清甜又開胃。刺身方面首先有鱸魚刺身，配上紫蘇花同一早調好嘅酸汁。至於白蝦就做左3食。先有白蝦刺身。三月至七月既白蝦係全年最甜。師傅逐隻逐隻蝦剝殼，上到枱每一隻白蝦都仲係完整無缺。白蝦本身夠甜，而且肉質細綿，係今晚其中一道我最喜愛既料理。刺身之外，仲有炸白蝦。將每隻白蝦連殼一齊炸。炸白蝦既香同酥脆同刺身既口感完全唔同。最後仲有個白蝦真丈。將白蝦做成蝦球去炸。今次既白蝦多左種彈牙既口感，白蝦既蝦味亦比前兩味更濃。嚟自熱海既金目鯛刺身，用水輕輕一灼個魚皮就食
有時想weekend食
又多人
有得online book檯太方便
聽師傅講原來啱啱先搬唻跑馬地既地鋪，清新又典雅既造景門面，裝修風格行木系日式簡約風，餐廳後面仲有個庭園。
我地就坐正係師傅對面，不單止睇住師傅處理我地既食材，師傅仔細咁逐一介紹每樣食物，又同我地閒話家常，成個用餐體驗滿意又愉快。
前菜師傅就為我地準備左由澤蟹、鰻魚八幡卷同埋水雲醋物，輕食為主，味道淡淡地，係一個唔錯嘅起手。
之後仲有個用鱧做既吸物。鱧魚香港少見，因為本身多骨，而且骨肉相連好難拆開。師傅就用將魚肉連骨切碎，再加上酸甜既莓作點綴，清甜又開胃。
刺身方面首先有鱸魚刺身，配上紫蘇花同一早調好嘅酸汁。
至於白蝦就做左3食。
先有白蝦刺身。三月至七月既白蝦係全年最甜。師傅逐隻逐隻蝦剝殼，上到枱每一隻白蝦都仲係完整無缺。白蝦本身夠甜，而且肉質細綿，係今晚其中一道我最喜愛既料理。
刺身之外，仲有炸白蝦。將每隻白蝦連殼一齊炸。炸白蝦既香同酥脆同刺身既口感完全唔同。
最後仲有個白蝦真丈。將白蝦做成蝦球去炸。今次既白蝦多左種彈牙既口感，白蝦既蝦味亦比前兩味更濃。
嚟自熱海既金目鯛刺身，用水輕輕一灼個魚皮就食得。
水八爪魚刺身。師傅將原先成米長既八爪魚腳拎左出嚟，最後將佢切片，再加上八爪魚既吸盤，加上芥末醬油漬一齊食，味道十分特別。
赤貝刺身，師傅將佢改幾刀之後變成一道藝術品。
加上檸檬一齊食，令到赤貝更加鮮甜。
原隻紫海膽，隻隻都唔同味道。新鮮開殼即食，食得出甜甜地帶少少礦物味道。少有係香港可以食到原隻海膽，大推。
原隻脆炸目光魚。係可以成條食既魚。炸到成條都脆晒但都仲保留到魚既味道，而且唔會有油膩既感覺。
壽司方面，先有神奈川既飛魚、長崎伊左目同間八壽司。
師傅係每件壽司入面都調好左味，唔需要再加醬汁。
關鯖壽司，係唯一可以生食用嚟做壽司既鯖魚。
之後有三種拖羅壽司。分別係中拖羅、大拖羅同醬油漬既赤身拖羅。
中拖羅同大拖羅都有入口即溶既感覺。大拖羅既油膩感更重，但師傅用鹽中和返，食落唔會有太油感覺。
赤身一向味道唔會太突出，但加上醬油漬之後味道層次豐富左，帶出返原先既魚味。而且肉身較嫩，係一個新既食法。
最後用吞拿魚腩同海膽手卷作結，仲有麵豉湯呼應一開頭既鱧魚湯。
當然唔少得甜品啦。
特別既粟米moose 加上超甜當造哈密瓜。
成個體驗可以話係完美。
一定要再去食多幾次！
張貼
