影片
更多
2023-09-09
519 瀏覽
喺銅鑼灣行街，竟然搵到呢間新開無耐嘅漢堡包店，店面唔算好大，行美式快餐店風格，一入到去有個半開放式嘅廚房，可以見到廚師喺度整漢堡包同小食，先落單，然後再搵位坐低！Combo Set 套餐 (漢堡，小食，飲品）Sick ! Burger 單層牛肉漢堡 $62Double Sick 雙層牛肉+$28Triple Sick 三層牛肉 +$48我就選擇咗雙層牛肉漢堡，漢堡包，烘到好鬆脆，夾咗新鮮嘅生菜、半熔嘅車打芝士、焦糖洋蔥，梅子果醬等等，酸酸甜甜中和左安格斯牛肉嘅肥膩，牛肉份量十足，肉質豐富！同埋值得一讚嘅係呢個漢堡包唔會一食就散，代表啲配料份量都恰到好處！套餐加薯條加$32如果想再邪惡啲食金沙紫菜薯條 Salty Egg FF 加$42鹹蛋黃鹹香十足，味道濃郁，而且因為係新鮮炸起，每一條都脆卜卜，令人忍唔住一口接一口！Sicki Satay Burger 沙嗲牛肉芫荽漢堡 $78 喺茶餐廳食沙嗲牛肉公仔麵就食得多，但係擺喺西式漢堡包就真係第一次見！ 漢堡上面鋪上芫茜炒滑蛋，仲有香濃嘅沙嗲牛肉，味道新奇有趣！炸雞翼+$36 有兩件大大件嘅炸雞翼，用左咖哩香料醃製，外面嘅炸粉好香脆惹味，好有
Combo Set 套餐 (漢堡，小食，飲品）
Sick ! Burger 單層牛肉漢堡 $62
Double Sick 雙層牛肉+$28
Triple Sick 三層牛肉 +$48
我就選擇咗雙層牛肉漢堡，漢堡包，烘到好鬆脆，夾咗新鮮嘅生菜、半熔嘅車打芝士、焦糖洋蔥，梅子果醬等等，酸酸甜甜中和左安格斯牛肉嘅肥膩，牛肉份量十足，肉質豐富！同埋值得一讚嘅係呢個漢堡包唔會一食就散，代表啲配料份量都恰到好處！
套餐加薯條加$32
如果想再邪惡啲食金沙紫菜薯條 Salty Egg FF 加$42
鹹蛋黃鹹香十足，味道濃郁，而且因為係新鮮炸起，每一條都脆卜卜，令人忍唔住一口接一口！
Sicki Satay Burger 沙嗲牛肉芫荽漢堡 $78
喺茶餐廳食沙嗲牛肉公仔麵就食得多，但係擺喺西式漢堡包就真係第一次見！ 漢堡上面鋪上芫茜炒滑蛋，仲有香濃嘅沙嗲牛肉，味道新奇有趣！
炸雞翼+$36
有兩件大大件嘅炸雞翼，用左咖哩香料醃製，外面嘅炸粉好香脆惹味，好有驚喜，好好味！
kombucha 康普茶 +$35
Kombucha係一種發酵飲品，味道酸甜清爽，有三至四種口味選擇，我就選擇咗玫瑰荔枝味，香甜解渴！
Taro Milkshake 芋頭維他奶奶昔 $48
維他奶奶昔，配料有芋圓同埋豆腐花，好有層次，又唔算太甜，女仔一定鍾意！
張貼
