影片
更多
2020-09-08
1622 瀏覽
星期六訓醒起身行咗去上環嗰邊食嘢，一直覺得呢區係好多食肆，但大部份週末都唔開門，不過事實上又好似唔係得哂。本身想去嗰間餐廳話廚房要三點先再開，但因為連早餐都未食🙈，所以要轉場食件餅先。同樣地喺蘇杭街，就有一間幾耀眼嘅咖啡店，因為舖面夠大，而且牆身油上天空淺藍色⛅️。再望下招牌，我哋留意到「Coffeeholic」係一間來自台灣嘅過江龍店。不過入到去發覺餐廳得幾張枱，座位好少😂，同想像中唔同。但見到廚房嗰邊有條樓梯，可能有上層？我哋坐咗餐廳最入嘅面壁位，冷氣非常充足，朋友誇張到形容係沙漠中嘅綠洲，正😊！本身入嚟幫襯係見下午兩點已經開始做下午茶Tea Set，而且仲有我最愛嘅提拉米蘇(但賣哂😭)。其他下午茶食物均以輕食類為主，包括甜品同三文治等🥪，當中更有台式手抓餅。之但係所謂嘅下午茶，其實只係可以享受飲品半價優惠而已。價錢偏貴，最平係$26嘅牛角包，而鬆餅都要成$49，三文治同全日早餐嗰啲更索價過百元😥。反而午餐Lunch Set餐牌上嘅食物堂食有75折優惠，感覺好似抵啲👍，種類包括沙律、意粉同意大利飯等，價錢平均係$9X，個別項目貴啲。我哋要咗一件海鹽焦糖流心鬆餅Salted Caram
星期六訓醒起身行咗去上環嗰邊食嘢，一直覺得呢區係好多食肆，但大部份週末都唔開門，不過事實上又好似唔係得哂。本身想去嗰間餐廳話廚房要三點先再開，但因為連早餐都未食🙈，所以要轉場食件餅先。
同樣地喺蘇杭街，就有一間幾耀眼嘅咖啡店，因為舖面夠大，而且牆身油上天空淺藍色⛅️。再望下招牌，我哋留意到「Coffeeholic」係一間來自台灣嘅過江龍店。
不過入到去發覺餐廳得幾張枱，座位好少😂，同想像中唔同。但見到廚房嗰邊有條樓梯，可能有上層？
我哋坐咗餐廳最入嘅面壁位，冷氣非常充足，朋友誇張到形容係沙漠中嘅綠洲，正😊！
本身入嚟幫襯係見下午兩點已經開始做下午茶Tea Set，而且仲有我最愛嘅提拉米蘇(但賣哂😭)。其他下午茶食物均以輕食類為主，包括甜品同三文治等🥪，當中更有台式手抓餅。
之但係所謂嘅下午茶，其實只係可以享受飲品半價優惠而已。價錢偏貴，最平係$26嘅牛角包，而鬆餅都要成$49，三文治同全日早餐嗰啲更索價過百元😥。
反而午餐Lunch Set餐牌上嘅食物堂食有75折優惠，感覺好似抵啲👍，種類包括沙律、意粉同意大利飯等，價錢平均係$9X，個別項目貴啲。
海鹽焦糖流心鬆餅
$45
39 瀏覽
0 讚好
0 留言
海鹽焦糖流心鬆餅
$45
12 瀏覽
0 讚好
0 留言
意大利燴牛肋條
$111
31 瀏覽
0 讚好
0 留言
意大利燴牛肋條
$111
13 瀏覽
0 讚好
0 留言
脆脆旋風薯
8 瀏覽
0 讚好
0 留言
南瓜湯
9 瀏覽
1 讚好
0 留言
朱古力咖啡
$55
9 瀏覽
0 讚好
0 留言
環境方面，我覺得都幾Freestyle，啲櫈印有英國旗🇬🇧，但張張都唔同樣；而我哋坐嗰張枱嘅枱面就好繽紛，充斥住復古舊車牌嘅圖案。
總括嚟講，我認為呢間小店帶畀我哋意外驚喜，本身只係諗住歇下腳，嗌少少嘢食，對味道無乜太大期望，點知結果食物同飲品都幾高質呢🅰️！雖然性價比唔高，但Coffeeholic絕對值得推介，我下次想試多幾款特色飲品。
張貼
