慈素小聚

營業中

休息中

估唔到素食都可以做到咁多唔同款式。今日嚟到尖沙咀呢間樓上餐廳，有好多款唔同國家嘅素食。有中式、西式、日式、意式等。甚至乎有啲你想像唔到嘅款式。意大利香草風味Pizza呢個像真度極高，素火腿嘅口感根本同普通火腿一樣。加埋艇底轉咗用酥皮令到成個Pizza口感鬆脆。珍貴苜蓿芽手卷苜蓿芽係少見嘅Super food，有極強嘅鹼性，中和食肉嘅酸性。手卷裏便仲有一個素三文魚。口感滑溜溜，就算連個外表都似。天婦羅綜合蔬菜球配特製醬汁呢個係我比較鍾意食嘅素菜。裏便嘅蔬菜條可以保持濕潤，但外表鬆脆。黑松露鮮蘑菇忌廉湯估唔到蘑菇湯都可以做得咁滑溜，加埋松露油極之香。素食串燒沙嗲呢個串燒有三款唔同嘅素肉，每款嘅口感硬度都唔一樣。加埋沙嗲汁其實幾好食。燒賣當然就唔係豬肉燒賣啦，佢比較似糯米燒賣。latte估唔到素食餐廳都有埋咖啡飲，而且味道仲要唔錯添。