El vaso de oro hk

營業中

休息中

呢排工作好辛苦，今日都想獎勵自己食好少少，於是就同朋友約好咗會嚟上環呢間西班牙菜道食晚飯，覺得可以喺間有情調嘅餐廳度聚下舊，其實真係可以放鬆心情，於是今日收工之後就去到上環，喺地鐵站行大概7分鐘就到，呢度感覺真係好似去咗外國咁樣，嘢食嘅質素亦都好高，叫咗佢所有嘢都好好食。第一樣嘢當然要叫我最鍾意嘅八爪魚啦，基本上係每一間西班牙餐廳都一定會叫，呢間嘅質素亦都好高，八爪魚唔會整得太硬，加埋醬汁好鮮味，鹹鹹地配埋啲薯蓉真係一流！之後鍾意食生嘢嘅，我都叫埋Wagyu beef tartare toast，呢個味道條配得好好，完全冇腥味，而每一口嘅生牛肉個口感都有q彈感，十分新鮮。之後本身我冇諗住叫肉丸，但係朋友好鍾意食，所以就照叫啦，結果真係出乎意料咁好食，可能就係因為加咗cuttlefish ，口感同一般嘅肉丸唔一樣，更加結實，更加彈牙，個醬汁亦都好濃郁，正！最後當然要叫埋個Seafood paella啦，超多海鮮，口感好好，食完真係飽晒！