影片
更多
2024-09-20
68 瀏覽
重房 📍銅鑼灣加路連山道1號地下18-19號舖好日都唔過海，今次專登出銅鑼灣食Omakase😎。門口裝橫感受到Omakase餐廳嘅高級感。入到去被佢枱面震撼到，好靚好特別嘅枱面，立體有層次，仲有燈光透出。連上菜嘅枱面都好特別，碟放上去會有好靚嘅紫色影，超靚！首先前菜有蟹肉冷菠菜同茶碗蒸。前者幾fresh，幾開胃。後者好滑有蛋香，仲幾足料有肉喺入面，幾鮮甜。仙鳳址生蠔大隻飽滿，好Creamy，配自家製柚子啫喱，酸甜無腥味。池魚細切擺盤疊得好精緻，藝術感十足。師傅用咗茗荷同芽蔥配搭真係錦上添花，口感味道更添層次。吞拿魚大福吞拿魚配上由壓縮嘅魚籽乾磨出嚟嘅魚籽醬，咸咸哋吊出魚鮮味👍🏻磯煮鮑魚甜甜地好爽口彈牙，試完原味再蘸醬食有另一番風味。最後食埋舊蘿蔔好甜。燒馬友配酸汁，外皮燒到好脆好脆，味道估唔到有驚喜。岩手縣元貝鮮甜爽口幾好嚼。-平靜魚平靜魚係油甘魚既近親，口感爽口彈牙，油脂唔多，微甜-金目鯛炙燒過帶出油脂嘅香味🤤配自家製梅醬食好香口。-鮪魚北海道麵豉醬同蔥調味，唔錯。右口魚入口即融，配埋紫菜鹹鹹哋好脆好好食。-馬糞海膽鮮甜creamy嘅馬糞海膽😋海帶烏冬烏冬滑溜，湯底鮮甜。-蕨餅有兩種
重房 📍銅鑼灣加路連山道1號地下18-19號舖
好日都唔過海，今次專登出銅鑼灣食Omakase😎。門口裝橫感受到Omakase餐廳嘅高級感。入到去被佢枱面震撼到，好靚好特別嘅枱面，立體有層次，仲有燈光透出。連上菜嘅枱面都好特別，碟放上去會有好靚嘅紫色影，超靚！
首先前菜有蟹肉冷菠菜同茶碗蒸。前者幾fresh，幾開胃。後者好滑有蛋香，仲幾足料有肉喺入面，幾鮮甜。
仙鳳址生蠔
大隻飽滿，好Creamy，配自家製柚子啫喱，酸甜無腥味。
池魚細切
擺盤疊得好精緻，藝術感十足。師傅用咗茗荷同芽蔥配搭真係錦上添花，口感味道更添層次。
吞拿魚大福
吞拿魚配上由壓縮嘅魚籽乾磨出嚟嘅魚籽醬，咸咸哋吊出魚鮮味👍🏻
磯煮鮑魚
甜甜地好爽口彈牙，試完原味再蘸醬食有另一番風味。最後食埋舊蘿蔔好甜。
燒馬友
配酸汁，外皮燒到好脆好脆，味道估唔到有驚喜。
岩手縣元貝
鮮甜爽口幾好嚼。
-
平靜魚
平靜魚係油甘魚既近親，口感爽口彈牙，油脂唔多，微甜
-
金目鯛
炙燒過帶出油脂嘅香味🤤配自家製梅醬食好香口。
-
鮪魚
北海道麵豉醬同蔥調味，唔錯。
右口魚
入口即融，配埋紫菜鹹鹹哋好脆好好食。
-
馬糞海膽
鮮甜creamy嘅馬糞海膽😋
海帶烏冬
烏冬滑溜，湯底鮮甜。
-
蕨餅
有兩種口味，煙煙韌韌，甜度適中。
張貼
