東歐餐廳

近排過開中環，終於有機會黎呢間已經聽聞咗好耐嘅東歐餐廳。位置係大館對面，我哋都行咗一陣先搵到。一出𨋢門已經見到好多關於烏克蘭嘅旗同公仔，餐廳入面都好多烏克蘭特色擺設，應該係老闆娘喺烏克蘭帶返嚟，成個環境好有歐洲小餐館嘅感覺😍我哋叫咗兩個set lunch, 我同朋友都叫咗羅宋湯，佢同平時飲開嘅羅宋湯有啲唔同，比較多紅菜頭，幾得意主菜方面，我叫咗羊扒，個扒煎得好香，同埋唔會臊，怕臊嘅人都食到👍朋友就叫咗芝士牛脷飯，我唔食牛所以冇試到，但朋友話牛脷好冧好入味，大推牛脷飯😆set lunch有包甜品，不過唔記得影相🤣味道偏甜，可能東歐人都比較重口味總結中環lunch 百零蚊有湯有甜品嘢食，主菜質素中上，的確有誠意，有機會都想試埋佢哋晚市😋