木玥巷

營業中

休息中

早排經過元朗分店太多人等未試到，原來屯門虹橋都有分店😌依邊人流無甘多好快就入到，雖然唔洗排但都坐滿人～店內環境好新淨～以深木為主，位與位有間距，唔逼坐得幾舒服，食物方面食到用心製造，味道唔錯，去開屯門可一試💛1️⃣黑糖蘋果西打豬軟骨飯 $64💯推薦依款豬軟骨飯，味道酸酸甜甜帶蘋果香味，頂頂仲有蘋果乾做裝飾，賣相靚靚～豬軟骨位炆得好腍又入味，份量都幾多👍🏻2️⃣黯然銷魂安格斯滷肉飯 $65依款比較少見，係用安格斯做既肉碎，滷肉碎份量都多，仲有隻靚靚太陽蛋同牛肋條🤭比隻蛋遮住左～牛肋條炆得好入味，但食落有少少鞋口，而肉碎啲牛肉味非常之突出！3️⃣ 炸花枝丸 $38 / 6粒💯推薦依款花枝丸，炸得好金黄又唔油，食落爽口彈牙，仲有幾多墨魚肉粒起入面，十分足料。4️⃣木玥黄金水果茶 $28 依杯黃金水果茶係由菠蘿同百香果飲落充滿水果香味，唔會好酸同甜～茶味都幾出好夾，估唔到甘大杯😂🍹兩個人share都得！5️⃣凍檸檬茶 $6 依杯檸檬茶入面有三塊檸檬🍋片都幾厚，紅茶飲落唔苦澀，味道唔錯！