影片
更多
2024-11-26
360 瀏覽
平時放工成日經過，見到佢個tasting menu幾吸引就一於去試下☺️TastingSet 一黎有5個前菜，每樣樣都好有水準！▪️伊比利亞火腿48個月搭配新鮮烘烤迷迭香意大利麵包，火腿咸香，配搭麵包鬆軟得黎又有啲咬口。 ▪️布拉塔流心水牛芝士沙律沙律入面有齊個有機小蕃茄，羅勒橄欖油狗芽菜，最特別係加左烘烤榛子碎，帶黎一啲獨特嘅烘焙香氣。▪️吞拿魚蛋黃醬泡沫意式吞拿魚醬口感順滑，而且加左小小酸豆同埋三文魚子，平衡返個口感之餘，仲有小小清新嘅感覺，唔會覺得好膩。▪️吞拿魚韃靼用左檸檬西柚味醂汁去調味，令個吞拿魚蓉個鮮味更特出，搭配嘅薄脆米片要盡快食， 咁先可以食到脆口嘅薄脆片。▪️西班牙甜青椒只係用左小小鹽同橄欖油調味，係一款送酒一流嘅小食。·▪️炭烤豬肋骨好有特色嘅一道菜，同一般做法唔一樣，餐廳用咗石榴糖蜜同柑橘配香料調味，味道酸酸甜甜，但又唔會搶走炭烤豬肋骨原本嘅風味，豬肋骨烤至軟嫩入味，輕輕一夾就骨肉分離，而馬鈴薯就加左迷迭香烤，份量十足。▪️黑松露安格斯牛麵肉碎飯（+$40)燴飯加入左牛肝菌和帕瑪心芝士，離遠已經聞到香氣，牛肉都牛香味十足，最後係燴飯加上即刨松露，令人食指大動。▪️提拉米蘇經典意大
幾吸引就一於去試下☺️
TastingSet 一黎有5個前菜，每樣樣都好有水準！
▪️伊比利亞火腿48個月搭配新鮮烘烤迷迭香意大利麵包，火腿咸香，配搭麵包鬆軟得黎又有啲咬口。
▪️布拉塔流心水牛芝士沙律
沙律入面有齊個有機小蕃茄，羅勒橄欖油狗芽菜，最特別係加左烘烤榛子碎，帶黎一啲獨特嘅烘焙香氣。
▪️吞拿魚蛋黃醬泡沫
意式吞拿魚醬口感順滑，而且加左小小酸豆同埋三文魚子，平衡返個口感之餘，仲有小小清新嘅感覺，唔會覺得好膩。
▪️吞拿魚韃靼
用左檸檬西柚味醂汁去調味，令個吞拿魚蓉個鮮味更特出，搭配嘅薄脆米片要盡快食， 咁先可以食到脆口嘅薄脆片。
▪️西班牙甜青椒
只係用左小小鹽同橄欖油調味，係一款送酒一流嘅小食。
·
▪️炭烤豬肋骨
好有特色嘅一道菜，同一般做法唔一樣，餐廳用咗石榴糖蜜同柑橘配香料調味，味道酸酸甜甜，但又唔會搶走炭烤豬肋骨原本嘅風味，豬肋骨烤至軟嫩入味，輕輕一夾就骨肉分離，而馬鈴薯就加左迷迭香烤，份量十足。
▪️黑松露安格斯牛麵肉碎飯（+$40)
燴飯加入左牛肝菌和帕瑪心芝士，離遠已經聞到香氣，牛肉都牛香味十足，最後係燴飯加上即刨松露，令人食指大動。
▪️提拉米蘇
經典意大利甜品，奶香味好濃。
▪️塔丁蘋果撻（+$20)
酸酸地嘅蘋果餡搭配焦糖外皮，加上有濃郁嘅雲呢拿香氣嘅雪糕，完美嘅一餐。
▪️Cucumber Mule ($110)
飲飲落又好清爽嘅青瓜味，中和咗酒精嘅刺激感，入口好舒服。
▪️Peach Ice Tea ($80)
加咗少少檸檬汁同埋新鮮嘅薄荷葉，令到個蜜桃茶有額外嘅清爽感
張貼
