更多
2024-05-04
333 瀏覽
次次出觀塘都係食羊肉,今次食完羊肉之後唔夠飽,咁就行過幾條街食碗牛再祭一祭個五臟廟。第一次試就相當貪心,叫咗佢個牛什河粉。呢度個牛什河粉有少少特別,係有牛腩牛肚牛尾同牛筋,牛腩牛肚份量好足,牛尾就得兩粒細細粒,牛筋直頭縮到得手指尾一折嘅size得一粒。個湯頭幾清好似有草果嘅味道。另外裏便有一舊白蘿蔔冇渣又清甜。個河粉都好滑係幼身河粉。飲晒成個湯俾條脷歇左一陣,都唔覺得口渴。下午茶時段跟餐有一杯嘢飲,叫咗西柚茉莉花茶。啲西柚有果肉又幾好少少酸酸甜甜食完都唔會覺得好飽。強烈建議清湯唔好加辣椒油,唔係就破壞咗個牛骨湯底啦。
張貼