影片
更多
2019-07-08
250 瀏覽
之前係台灣買左幾包老媽拌麵覺得好好食，知道佢係香港開實體店真係好期待，所以開左一陣我就拉埋個Friend一齊去食。.因為我地係星期六大約一點左右去到，撞正個個食lunch嘅時間，所以餐廳大排長龍。但一場黎到，唯有排下啦。排隊無得攞票，要真係係條隊入面排，排嘅途中都見前面有啲一家大細黎食，因為老友記等到腳攰所以走左，呢個有啲唔太方便食客。最後，因為前面有幾個組別嘅人走左，我等左半個鐘就有得入去食，算快？.一入去店員淨係擺低左個Menu，枱面上咩都無，水、餐具同餐巾都無，張枱仲有少少濕，好似上手食完無咩點清潔過就叫我地坐低。過一陣就有個店員拎住水同餐具過黎，手上仲有一盒紙巾，佢叫我同朋友一人抽一張當餐巾，我心諗會唔會係咁唉，算啦，都知佢地忙，我忍下。.個Menu上面有啲菜式有紅點，但無標示係咩意思，我就舉手問，原來係得紅點先有供應，咁都有成兩、三成菜式係無嘅，唔通因為新開？食緊嘅途中，我聽到另一位店員帶一枱客坐低，係有同佢地解釋只有紅點有供應，咁我當係帶我坐低個個一時唔記得左啦.我最後叫左葱油嫩雞拌麵、美人雞湯麵同滷百頁豆腐，三個都好一般。.葱油嫩雞拌麵嘅調味有啲怪，唔夠香，油益味好重，雞
.
因為我地係星期六大約一點左右去到，撞正個個食lunch嘅時間，所以餐廳大排長龍。但一場黎到，唯有排下啦。排隊無得攞票，要真係係條隊入面排，排嘅途中都見前面有啲一家大細黎食，因為老友記等到腳攰所以走左，呢個有啲唔太方便食客。最後，因為前面有幾個組別嘅人走左，我等左半個鐘就有得入去食，算快？
.
一入去店員淨係擺低左個Menu，枱面上咩都無，水、餐具同餐巾都無，張枱仲有少少濕，好似上手食完無咩點清潔過就叫我地坐低。過一陣就有個店員拎住水同餐具過黎，手上仲有一盒紙巾，佢叫我同朋友一人抽一張當餐巾，我心諗會唔會係咁唉，算啦，都知佢地忙，我忍下。
.
個Menu上面有啲菜式有紅點，但無標示係咩意思，我就舉手問，原來係得紅點先有供應，咁都有成兩、三成菜式係無嘅，唔通因為新開？食緊嘅途中，我聽到另一位店員帶一枱客坐低，係有同佢地解釋只有紅點有供應，咁我當係帶我坐低個個一時唔記得左啦
.
我最後叫左葱油嫩雞拌麵、美人雞湯麵同滷百頁豆腐，三個都好一般。
.
葱油嫩雞拌麵嘅調味有啲怪，唔夠香，油益味好重，雞肉似係冰鮮雞柳，無嫩雞嘅感覺，而且個拌麵上枱嘅時候，已經凍凍地，更加唔好食。
葱油嫩雞拌麵
$62
24 瀏覽
0 讚好
0 留言
所謂美人雞湯，就係清雞湯咁，本來味道就好淡，用黎做湯底一啲都唔適合，成碗麵清到好似白恰咁，枱面上又無任何調味品，好勉強食左大半碗我叫左刀削麵底，本身我幾鍾意食刀削麵，但佢呢到嘅刀削麵好硬，好似未煮透咁，not good! 呢碗嘅雞肉比頭先個嫩雞好少少，但都係無咩味。
美人雞湯麵
$72
17 瀏覽
0 讚好
0 留言
呢到嘅滷水百頁豆腐有啲奇怪，佢個種係甜滷水，姐係瑞士雞翼個隻味，而且上碟嘅時候係好熱身，同平時食開嘅滷水豆腐係兩回事，我地食左一兩塊就無食嚕
百頁豆腐
$30
33 瀏覽
0 讚好
0 留言
總括，呢間野名過於實，價錢唔平唔抵食，我寧願買佢包麵自己返去煮仲好食，唔會再去。
張貼
