田浦食肉

營業中

休息中

如果你想食韓式燒肉，但又怕啲油煙彈到塊面，就可以嚟試吓呢間韓式燒肉餐廳。佢嘅賣點就係服務員都係韓國oppa，而且仲會親自幫你燒肉，幫你切好一嚿嚿放到你隻碟上面。今次嚟呢間餐廳食飯，係專程想食佢嘅雞蛋羹，一個用韓式石鍋裝住嘅「炸蛋」，入面有少量海鮮作為配料，你可以當佢係韓國版嘅茶碗蒸或者係蒸水蛋。雞蛋味非常香，而且食落好有層次。今次兩個人嚟食，就點咗一個牛T骨加牛五花嘅套餐。雖然價錢都唔平，但係牛嘅份量已兩個人嚟講都算幾多，而且韓式配菜提供嘅種類好多，除咗有基本嘅芽菜泡菜之外，仲有韓式辣炒年糕魚餅，而且仲係無限量供應。淨係食配菜都足以食飽你！