影片
更多
2007-09-25
31 瀏覽
因為蘇絲黃介紹,所以上去試0下,我地一行九人(八女一男),點菜時,老闆娘樣樣都話正, 於是我地一口氣叫0左瀨尿蝦, 炒蜆, 金銀蛋莧菜, 沙薑雞一隻, 魚香茄子煲, 聖子, 東風螺, 蒜蓉開邊蒸蝦, 其實都唔少啦, 佢仲問我地加唔加呢樣, 加唔加果樣, 我地話唔加, 佢就好似唔多高興.等0左半個鐘以上先0黎第一碟蒜蓉開邊蒸蝦, 於是諗住叫d 飯送蒜蓉汁, 個侍應就話河粉正, 極力推介, 我地就聽佢講叫0左, 之後其他菜陸續上, 樣樣都好大碟, 見形勢唔對, 就問侍應未0黎0既可唔可以唔要, 佢話唔得, 全部煮緊.食完飯就影下相(因為係慶祝生日), 跟住有個阿姐行埋0黎, 佢話要我地埋單先, 我地叫佢放低張單先, 攪掂俾番佢, 點知個阿姐一句話....... 唔得喎! 我地要食飯!完全冇尾音, 冇笑容, 冇唔該, 冇多謝, 態度奇差, 張單成2500蚊, 望清楚d , 發現價錢同價錢牌唔同, check 番先至知原來佢見我地九個人, 全部同我地起雙,瀨尿蝦六百幾蚊, 金銀蛋莧菜$176, 白灼東風螺$176, 其他都費事數佢.見我地成班女仔仲不停問我地加唔加0野, 咁都算喇, 今時今日咁
等0左半個鐘以上先0黎第一碟蒜蓉開邊蒸蝦, 於是諗住叫d 飯送蒜蓉汁, 個侍應就話河粉正, 極力推介, 我地就聽佢講叫0左, 之後其他菜陸續上, 樣樣都好大碟, 見形勢唔對, 就問侍應未0黎0既可唔可以唔要, 佢話唔得, 全部煮緊.
食完飯就影下相(因為係慶祝生日), 跟住有個阿姐行埋0黎, 佢話要我地埋單先, 我地叫佢放低張單先, 攪掂俾番佢, 點知個阿姐一句話....... 唔得喎! 我地要食飯!
完全冇尾音, 冇笑容, 冇唔該, 冇多謝, 態度奇差, 張單成2500蚊, 望清楚d , 發現價錢同價錢牌唔同, check 番先至知原來佢見我地九個人, 全部同我地起雙,瀨尿蝦六百幾蚊, 金銀蛋莧菜$176, 白灼東風螺$176, 其他都費事數佢.
見我地成班女仔仲不停問我地加唔加0野, 咁都算喇, 今時今日咁0既服務態度點得呀!
食物評價如下:
瀨尿蝦...好味, 又多肉, 正!
炒蜆... 冇蜆味, 因為調味太重手, 完全遮晒蜆d鮮味
金銀蛋莧菜... 冇乜味
沙薑雞... 肉好"鞋"
魚香茄子煲... 好多油, 基本上呢味菜都係多油, 但佢比正常仲要多
聖子... 煮過0左火
東風螺... 好嫩口, 好味
蒜蓉開邊蒸蝦... 味道唔錯, 不過d 蝦唔算新鮮, 同埋蒸過0左火
張貼