影片
更多
2023-04-10
276 瀏覽
早排經Restaurant Week見到呢間餐廳有好多好評，於是book咗假日嚟食$198個set lunch（另需加一）。本身訂咗13:15嘅位，但係早一日突然收到餐廳send嚟嘅message，話因為果日full booking，要求我哋13:25先好到達。最後我哋13:30到達，一入到去，見到餐廳細細但都幾full，店員都已經好忙。我哋好快叫咗野食，但係等咗十五分鐘都未有bread basket，於是提個店員先上咗bread basket先。麵包係好食嘅，不過食哂D麵包，又要等一陣先出龍蝦湯，個湯好濃郁，有D似龍蝦醬嘅感覺，應該係俾你襯麵包食。飲完湯又等咗一陣先出第一個主菜—紅酒燉牛膝，牛膝有D老，好鞋。食完之後又要等第二個主菜—冬蔭功牛尾米粒麵，牛尾好食，但個人唔鍾意佢個冬蔭功味道，太酸。而佢個甜品係敗筆，個蘋果金寶D脆脆同蘋果係分開嘅，好似好求其咁。個法國茶同咖啡就正常。呢餐飯食咗1.5小時，而且唔算太好食，真係等太耐，d 店員好忙但又好混亂。後尾埋單，我有反映返今日出餐等太耐，佢先話有當日一個大廚病咗。其實handle咁多capacity我寧願你早D同客人解釋，俾個客選擇仲
本身訂咗13:15嘅位，但係早一日突然收到餐廳send嚟嘅message，話因為果日full booking，要求我哋13:25先好到達。最後我哋13:30到達，一入到去，見到餐廳細細但都幾full，店員都已經好忙。
我哋好快叫咗野食，但係等咗十五分鐘都未有bread basket，於是提個店員先上咗bread basket先。
麵包係好食嘅，不過食哂D麵包，又要等一陣先出龍蝦湯，個湯好濃郁，有D似龍蝦醬嘅感覺，應該係俾你襯麵包食。
飲完湯又等咗一陣先出第一個主菜—紅酒燉牛膝，牛膝有D老，好鞋。
食完之後又要等第二個主菜—冬蔭功牛尾米粒麵，牛尾好食，但個人唔鍾意佢個冬蔭功味道，太酸。
而佢個甜品係敗筆，個蘋果金寶D脆脆同蘋果係分開嘅，好似好求其咁。
個法國茶同咖啡就正常。呢餐飯食咗1.5小時，而且唔算太好食，真係等太耐，d 店員好忙但又好混亂。
後尾埋單，我有反映返今日出餐等太耐，佢先話有當日一個大廚病咗。
其實handle咁多capacity我寧願你早D同客人解釋，俾個客選擇仲等唔等。
總結嚟講，食物方面都OK，但係餐廳嘅服務真係有待改善，我見都有唔少客人鼓譟，呢個用餐體驗真係唔太理想。
張貼
