陳鵬鵬潮汕菜館

營業中

休息中

晚上未夠6 點走去食，剛好唔駛等，有得直入，簡單嚟講，成間嘢係無service 嘅，例如，坐低後無人理你㗎，無人叫你用QR code, 無人話你知啲茶水可以喺出面自助，啲伙計收你嘢唔會問，啲餸又求其放喺無人坐嗰邊嘅枱邊。講吓食物，大家可以睇吓個白灼魷魚，半條，得8塊好似食剩咁放喺個大碟，最期待嘅鹵水鵝，老實，真係無乜特別，求其一間打冷鋪都可以好過佢。另外衛生都係差啲，我哋後尾加咗一換甜品綠豆爽，碗嘢拎到嚟，揸住隻匙羹個位，係有紅豆沙癡住嘅。最有趣係，我1750入坐，有個負責門口安排入座嘅姐姐喺1825 走嚟話夠鐘，話我啲嘢齊晒。喂，乜唔係90 分鐘咩？妳唔好見有人等位就趕我走先得㗎！係咁先，無下次！