呇 (已結業)

老實講，我連店名「呇」嘅讀音都唔識🤣，只知佢曾經係米芝蓮推介餐廳，同埋望到維港靚景。裝潢以深啡色刻花木板，配上紅色燈飾🏮，富有中式氣派。室內座位可透過玻璃窗飽覽維港美景，亦有天台露天座位。孜然羊肉粒 $260送上枱已經聞到孜然嘅美味，羊肉片較瘦，腥膻味不重，又香又辣，只係鹹咗少少，非常惹味。醉雞 $85微暖嘅溫度，充滿濃郁酒香味，無骨雞件就欠缺雞味，不過肉質滑嫩。手抓餅 $55幾乎每枱都會點呢個點心，果然香脆可口，食唔停口👍。一碟有8塊，飽哂！