影片
更多
2022-02-27
510 瀏覽
今次想品評下有香港Pizza屆大佬之稱嘅Mother of Pizzas🍕相信大家都見過唔少網民大推呢間餐廳，心郁郁想去朝聖一次，而我都唔例外，但一試過後就知中伏了🥲🌟有晚市堂食嗰陣長期排長龍，建議提早book位，入座後起計75分鐘後交台，因為長期滿座所以上菜速度都慢，導致用餐時間較短，如果想慢慢chill同朋友吹水嘅就唔係咁啱了😞🌟餐廳裝修頗Vintage，以黑色同木啡色為主調，場內環境偏暗，幾有情調，打卡一流👍🏼🌟餐廳主打義大利拿坡里傳統薄餅，size有13寸同18寸(超大份😂)，toppings有分一款同half half。薄餅製作過程非常講究，每個薄餅都係全人手製作，麵糰需要經過48小時發酵，再放入800度嘅烤爐烤，所以食落唔會好濟✅麵糰必須受用Type 00/0高蛋白麵粉🍕番茄醬係San Marzano番茄嘅鮮榨醬汁，無添加味精🍅非常欣賞佢地對披薩品質嘅執著👍🏼我地4個女仔根據網民嘅推薦嗌左1個18寸pizza，1個意粉同手工啤🍺滿心期待去試，但係....💁🏻♀️18‘ half half My Parma & Meat de Carvemen $228一個pizza有6塊，
今次想品評下有香港Pizza屆大佬之稱嘅Mother of Pizzas🍕相信大家都見過唔少網民大推呢間餐廳，心郁郁想去朝聖一次，而我都唔例外，但一試過後就知中伏了🥲
🌟有晚市堂食嗰陣長期排長龍，建議提早book位，入座後起計75分鐘後交台，因為長期滿座所以上菜速度都慢，導致用餐時間較短，如果想慢慢chill同朋友吹水嘅就唔係咁啱了😞
🌟餐廳裝修頗Vintage，以黑色同木啡色為主調，場內環境偏暗，幾有情調，打卡一流👍🏼
🌟餐廳主打義大利拿坡里傳統薄餅，size有13寸同18寸(超大份😂)，toppings有分一款同half half。薄餅製作過程非常講究，每個薄餅都係全人手製作，麵糰需要經過48小時發酵，再放入800度嘅烤爐烤，所以食落唔會好濟✅麵糰必須受用Type 00/0高蛋白麵粉🍕番茄醬係San Marzano番茄嘅鮮榨醬汁，無添加味精🍅非常欣賞佢地對披薩品質嘅執著👍🏼
我地4個女仔根據網民嘅推薦嗌左1個18寸pizza，1個意粉同手工啤🍺滿心期待去試，但係....
💁🏻♀️18‘ half half My Parma & Meat de Carvemen $228
一個pizza有6塊，每塊都大過隻手掌，份量十足👍🏼薄餅餅底偏硬，硬到有啲唔係幾咬到，部份位置好燶，燶到苦苦地😢Toppins材料非常充足，尤其是My Parma個part，啲ham同火箭菜舖滿曬成part薄餅，所以好鹹。以為肉丸pepperoni嗰part會冇咁鹹，點知都係差唔多，整體而言係典型嘅高血壓餐😥可能我地食慣香港嘅pizza所以接受唔到呢種口味啦🤧
💁🏻♀️義大利肉丸肉醬意粉 $158
意粉口感偏淋，唔太煙韌，番茄肉醬味唔太突出，淨係食到肉丸嘅鹹味🥲
💁🏻♀️各款手工啤酒🍻
呢間係我地試過嘅手工啤之中最苦嘅一間，苦到好難入口，飲完啲苦澀味一直停留係口腔內久久不散，啲苦味cover曬啲果味，我地飲幾啖就放棄了🤧
👻整體而言，期望越大，失望越大，餐廳食物勝在份量夠多，用料豐富，但實在太鹹了，冇網上講到咁好食，唔太worth queuing😵
😍整體評分
味道：🌟🌟
價錢：🌟🌟
環境：🌟🌟🌟🌟
服務態度：🌟🌟🌟
instagrammable：🌟🌟🌟🌟
Mother of Pizzas
地址：銅鑼灣禮頓道13-19號地舖
張貼
