影片
更多
2023-08-31
128 瀏覽
呢間就係東涌OUTLET 行10分鐘就到, 舖頭好有東南亞色彩, 位置好多, 最裡面既壁畫仲係舊香港既環境。酸辣椰奶雞湯 $98呢碗湯好足料, 首先酸辣度岩岩好,椰奶好香, 雞肉方面係飲左幾碗,仲會撈到雞肉既程度, 飯前飲番碗好開胃同舒服。泰式青木瓜鮮蝦沙律$88係大家想像中既味道, 清新爽口, 但唔會太酸, 鮮蝦都好多。泰式黃咖哩蟹肉配麵包 $165黃咖哩香濃, 佢地將蟹肉同青紅椒整到好碎, 同黃咖哩融為一體, 所以每一啖都會食好全部既材料. 第,一啖食落甜甜地, 再食就開始有咖哩既辣味出黎, 用黎配香脆的蒜蓉法包好夾。炭燒香茅西冷牛肉 $148好得意呀呢個, 佢地將牛肉卷係香茅到一齊煮, 令牛肉都充滿住香茅既香氣, 但又唔會太濃。牛肉本身燒過, 所以都好香口, 肉質唔硬, 好好食。佢仲配埋幾塊生菜同米粉, 可以包住牛肉一齊食, 口感更豐富同清新。Best Bangkok $58都叫左杯凍飲, 係一杯莓味飲品, 酸酸甜甜幾好飲。整體黎講真係幾舒服, 有渡假既感覺, 出面仲有露天位,天氣再涼D坐出面仲舒服。
舖頭好有東南亞色彩, 位置好多, 最裡面既壁畫仲係舊香港既環境。
酸辣椰奶雞湯 $98
呢碗湯好足料, 首先酸辣度岩岩好,椰奶好香,
雞肉方面係飲左幾碗,仲會撈到雞肉既程度, 飯前飲番碗好開胃同舒服。
泰式青木瓜鮮蝦沙律$88
係大家想像中既味道, 清新爽口, 但唔會太酸,
鮮蝦都好多。
泰式黃咖哩蟹肉配麵包 $165
黃咖哩香濃, 佢地將蟹肉同青紅椒整到好碎, 同黃咖哩融為一體, 所以每一啖都會食好全部既材料. 第,一啖食落甜甜地, 再食就開始有咖哩既辣味出黎, 用黎配香脆的蒜蓉法包好夾。
炭燒香茅西冷牛肉 $148
好得意呀呢個, 佢地將牛肉卷係香茅到一齊煮, 令牛肉都充滿住香茅既香氣, 但又唔會太濃。
牛肉本身燒過, 所以都好香口, 肉質唔硬, 好好食。
佢仲配埋幾塊生菜同米粉, 可以包住牛肉一齊食, 口感更豐富同清新。
Best Bangkok $58都叫左杯凍飲, 係一杯莓味飲品, 酸酸甜甜幾好飲。
整體黎講真係幾舒服, 有渡假既感覺, 出面仲有露天位,天氣再涼D坐出面仲舒服。
張貼
