心一 · 影

營業中

休息中

首先，前菜係赤貝刺身，赤貝肉外表呈橙紅色，色澤亮麗吸引，味道鮮甜，帶有濃厚海洋氣息，口感外層爽脆，貝肉帶有柔軟而幼嫩口感。☺️☺️刺身方面，有真鯛魚和深海池魚，非常新鮮。另外，吞拿配海膽汁及豆腐亦都非常美味，係奢華嘅享受。🤩🤩壽司方面，師傅嘅手藝非常好，每舊壽司嘅調味和口感都係極致嘅味覺之旅，有北海道產嘅牡丹蝦、同樣來自北海道嘅青柳貝，師傅話每到三月到五月係捕捉期。😆😆另外，拖羅和中拖羅都非常肥美。此外，魚肉豆腐配上蟹肉嘅醬汁，兩者好夾，仲有小長井真蠔、沖繩水母配花竹蝦以及汁煮八瓜魚。最後，就到左赤海膽軍艦，超級多海膽，望見都心心眼。😍😍食完壽司之後，仲食到日本傳統小吃干瓢卷，非常特別，再食埋用玉子做成嘅甜品，睇落去以為係芝士蛋糕，好得意。🍰🍰