影片
更多
2023-09-23
17307 瀏覽
呢間位於香港理工大學附近 Hotel ICON 二樓「The Market」，人氣大熱記得提早book定位*！平日都好多人，大致望基本上滿晒座，部分座位望落有少少逼，好在今次安排位置幾滿意，剛好有一個獨立小空間既二人座位。如果有生日/紀念日等慶祝活動，可以網上訂座時填寫備注，呢邊會貼心安排小蛋糕，中間時段送上來，除生日個位朋友驚喜到，連我都覺得好有驚喜😆，仲會主動問要唔要幫忙揸機影相👍。▼自助晚餐 成人星期一至四 HKD 858/位*星期五六日及公眾假期 HKD 908/位*▼自助餐選擇多樣化，由冷盤到熱食，甚至有印度菜和台式冰等特色野食，外面取餐環境乾淨企理，取餐時候亦舒服，幾次出去拎野見到廚師不斷整理和refill，總括體驗完覺得幾好，開始睇下有咩野食啦～🦞 冷盤海鮮有龍蝦、凍蝦、小龍蝦、長腳蟹腳、蜆、青口等，大致質素還不錯，最多人拎既龍蝦長期唔會空，refill得好密，隻隻多膏，肉質彈牙爽口。蟹子和三文魚籽亦任食，如果唔係食緊自助餐，好想來一碗飯撈飯食😆。.🍣 日式刺身/ 壽司/ 小食- 當日有蝦、帶子、三文魚、八爪魚、吞拿魚等大路選擇。- 三文魚/ 帶子/ 蝦 👌🏻 .🥩 熱
呢間位於香港理工大學附近 Hotel ICON 二樓「The Market」，人氣大熱記得提早book定位*！平日都好多人，大致望基本上滿晒座，部分座位望落有少少逼，好在今次安排位置幾滿意，剛好有一個獨立小空間既二人座位。如果有生日/紀念日等慶祝活動，可以網上訂座時填寫備注，呢邊會貼心安排小蛋糕，中間時段送上來，除生日個位朋友驚喜到，連我都覺得好有驚喜😆，仲會主動問要唔要幫忙揸機影相👍。
▼
自助晚餐 成人
星期一至四 HKD 858/位*
星期五六日及公眾假期 HKD 908/位*
▼
自助餐選擇多樣化，由冷盤到熱食，甚至有印度菜和台式冰等特色野食，外面取餐環境乾淨企理，取餐時候亦舒服，幾次出去拎野見到廚師不斷整理和refill，總括體驗完覺得幾好，開始睇下有咩野食啦～
🦞 冷盤海鮮有龍蝦、凍蝦、小龍蝦、長腳蟹腳、蜆、青口等，大致質素還不錯，最多人拎既龍蝦長期唔會空，refill得好密，隻隻多膏，肉質彈牙爽口。蟹子和三文魚籽亦任食，如果唔係食緊自助餐，好想來一碗飯撈飯食😆。
.
🍣 日式刺身/ 壽司/ 小食
- 當日有蝦、帶子、三文魚、八爪魚、吞拿魚等大路選擇。
- 三文魚/ 帶子/ 蝦 👌🏻
.
🥩 熱食
基本粥粉麵飯都有，仲有海南雞飯、泰式豬手飯、叻沙、香煎鵝肝配多士等特色菜填飽肚，熟食款式相當多，岩晒同長輩一齊食。
- 慢煮牛扒一人一片，肉質較韌，有點過老。
- 海鮮熱食較優秀，龍蝦尾熱食肉質彈牙更香口，最有印象和好評絕對係 #糖醋魚 ，原條 #比目魚 味道和肉質發揮正常，魚類拎到埋位趁熱快啲食會更好。
- 熱湯飲落好舒服，推薦拎來試試
- 有一區印度菜，包括薄脆、酥餅、羊肉咖喱、炸雞、印式香飯等，咖喱好香，配餅好夾好好味😋。
.
- 最期待的重頭戲來了！！全部都係「榴槤」做主角的甜品，榴槤雪糕球、炸榴槤、榴槤芝士撻、榴槤奶凍、榴槤焦糖布甸等，仲有成盆榴槤蓉任裝，幸福的味道😍。
.
- 💛 大約8點幾有限量榴槤甜品 榴槤菠蘿包 出爐，有個鈴鈴提醒🔔大家出去拎，外脆內脆，榴槤咖央醬內餡，兩個人分享一個試就好，圖中所見自己加多一匙榴槤蓉放面，味道更香濃。
- 烏龍茶茶凍值得回頭，清新下口腔，解解膩。
- 🍧台式刨冰多種配料任你選擇，好似愛玉、仙草、黑糖麻糬粒、芋頭粒、紅豆粒等豐富配料任加。
.
🍦雪糕
有三種不同選擇，分別係Godiva雪糕、榴槤雪糕自己任吱和Haagen-Dazs任食，回本之選，雪糕放題時間！！
- godiva 當日有白朱古力味、70%黑朱古力味和雙拼味
- 自己整榴連雪糕三拼（見圖七右下）：「貓山王榴槤霜淇淋」雪糕機自己吱（榴槤味一般）、一球自家製榴連雪糕（要問廚師拎，超香濃，建議單獨食更正）和 任裝榴槤蓉🤩。
.
飲品有橙汁、西柚汁、五花茶、竹蔗茅根水、咖啡茶飲等，另有芝士、沙律、湯、生果、蛋糕甜品等提供。榴槤和雪糕愛好者絕對可以沖一波，真心超正，性價比幾好，但如果唔好甜點以及唔食榴槤既，我諗會有其他更好選擇啦～
_
⭐️ 需加一服務費
⭐️ 官網上預訂需要比訂金*
張貼
