上海老家 (已結業)

而家喺香港要搵間好食嘅上海嘢真係唔容易，今次有朋友推薦試吓呢間上海老家。果然無介紹錯小籠包皮薄多汁，店家非常用心，每件小籠包都用錫紙兜裝住，唔使再驚用筷子會整爛。其他小食方面，包括雞絲粉皮雞肉嫩滑，粉皮口感特別，配上醬料，味道開胃。脆皮素鵝外脆內嫩，素食者一定會鍾意。麻婆豆腐就唔使多介紹辣味十足，係送飯首選。最後仲點咗香醋排骨，排骨香脆可口，甜酸味道唔會太膩。甜品方面，當然唔少得高力豆沙，粒粒都脹卜卜，為今餐畫上完美嘅句號。每一樣餸都發揮得非常出色，以後要食上海嘢又多個選擇🤤