影片
更多
2007-11-04
44 瀏覽
+我今晚剛剛食完，一肚氣，感覺好似比人欺騙之餘仲以為自己因為唔係豪客(好似我係好cheap的人咁，你幫唔幫襯都無所謂，果然財大氣粗))所以比人用咁勁差的服務態度對待。(我同老公兩個人點咗$448的二人套餐，埋單$516)以呢個價錢，唔怕遠我可以介紹大家去長洲一出碼頭向左轉的一些海鮮餐廳，行十分鐘有好多選擇，我一向幫襯尾二個間，好食幾百倍，多人吃每人百多元攪掂包埋船費仲有找。我今晚的遭遇就好似之前的食評所講一模一樣，又貴服務又差之外(太後悔無睇完開飯啦就去)，話說d食物不值咁貴唔在講，我點的二人套餐好似攞佢着數咁，好多限制，但餐牌又唔寫，套餐包括避風塘炒蟹、油鹽水浸蜆或青口、白灼油菜一碟，白灼小食一碟、粉絲蒜茸蒸聖子或椒鹽蝦、燒鵝河粉或艇仔粥兩碗、飲品兩杯，啲白灼油菜，白灼小食係唔可以揀，要揀每樣加5元，簡值是巧立明目加錢，咁都算，仲欺騙我，簡直當我係白痴。事緣我點咗粉絲蒜茸蒸聖子，佢話比我聽今晚只得粉絲蒜茸蒸聖子，無椒鹽蝦，我又聽講粉絲蒜茸蒸聖子好吃，咁以為無問題，點知佢上菜比咗椒鹽蝦，我以為佢攪錯，點知佢解釋話講錯咗，應該係無粉絲蒜茸蒸聖子，我當時好嬲，點解？我在佢上椒鹽蝦前見到佢上
我今晚的遭遇就好似之前的食評所講一模一樣，又貴服務又差之外(太後悔無睇完開飯啦就去)，話說d食物不值咁貴唔在講，我點的二人套餐好似攞佢着數咁，好多限制，但餐牌又唔寫，套餐包括避風塘炒蟹、油鹽水浸蜆或青口、白灼油菜一碟，白灼小食一碟、粉絲蒜茸蒸聖子或椒鹽蝦、燒鵝河粉或艇仔粥兩碗、飲品兩杯，啲白灼油菜，白灼小食係唔可以揀，要揀每樣加5元，簡值是巧立明目加錢，咁都算，仲欺騙我，簡直當我係白痴。事緣我點咗粉絲蒜茸蒸聖子，佢話比我聽今晚只得粉絲蒜茸蒸聖子，無椒鹽蝦，我又聽講粉絲蒜茸蒸聖子好吃，咁以為無問題，點知佢上菜比咗椒鹽蝦，我以為佢攪錯，點知佢解釋話講錯咗，應該係無粉絲蒜茸蒸聖子，我當時好嬲，點解？我在佢上椒鹽蝦前見到佢上粉絲蒜茸蒸聖子比第二枱！！！我問佢點解無聖子但我見到第二枱有？佢即刻話嗰d唔係比套餐嘅，係佢講錯咗，今晚套餐只得椒鹽蝦，咁嘅解釋你會唔會接受？我同佢講我想食聖子唔係蝦，佢話唔得，並問佢家姐點算，佢家姐(可能就係之前所講的黑面老板娘)企係入面收銀枱大叫唔得，我仲同佢講我可以加錢轉聖子，佢都話唔得！佢叫我想食就另外叫多一隻食，你話呢個係乜嘢世界？係唔係財大氣粗？擺明係要我比錢食你攪錯的嘢，你話似唔似貼錢買難受？似唔似歧視我食套餐，好似攞人便宜所以唔好要求咁多？
仲有，一叫菜之後在十分鐘內就將所有菜上枱，全部堆在一張大約兩呎半乘兩呎半的二人枱上，你想像吓係點，你食邊樣先？雖然今晚只得4-5枱客，廚房好得閒，都唔駛咁樣招呼客人，你話係唔係財大氣粗？貼錢買難受？
張貼