六両三

營業中

休息中

每隔一段時間就會想念台灣味道，今次就來到bookmark左好耐嘅六両三止一止渴。🍜川味紅燒牛腱牛肋條麵$85湯頭標榜純天然，用上大量牛骨及蔬菜熬制而成，果然清甜醇厚，飲落好舒服唔會口渴，牛腱肉燜得非常腍，達入口即化程度，已去骨牛肋條牛味濃郁，亦容易咬得開，麵條可選擇粗或幼，今次揀嘅幼麵都有足夠嚼勁，最後將湯頭一飲而盡，非常滿足。🍚滷肉飯$28講到台式食品，一定唔少得滷肉飯，呢度嘅滷肉用上連皮三層肉切丁滷，滷肉油香豐富十分好送飯，豬皮滷嘅過程釋出適量膠質，令整體口感更加豐富。🥚滷水溏心蛋$18蛋黃呈啫喱狀夠流心，滷過的蛋白亦能夠保持柔軟，高質。🥤冬瓜檸檬茶$23呢度嘅冬瓜茶唔會過甜，加埋檸檬夠消暑啱晒熱辣辣嘅天氣。