尚盛潮州海鮮飯店

呢間好出名嘅潮州飯店，最近喺中環開左新舖，星期六入嚟食嘅時候全場爆滿，真係實力嘅表現！🟡潮州卤水鵝片（例）呢個卤水鵝片真係好正！一上碟就聞到陣陣卤水香味，鵝肉切得啱啱好，唔會太薄，鵝肉嫩滑，吸滿卤水嘅精華，每一啖都充滿鹹香味，鹵水嘅香料味道層次分明，食完仲想再嚟一碟！🟢潮州蠔餅外層煎得金黃香脆，咬落去有啖啖蠔肉，鮮甜多汁，配埋少少辣椒醬，真係一流！🔵胡椒豬肚湯第一啖飲落去已經感受到濃郁嘅胡椒香氣，即刻暖晒個胃。豬肚煮得好腍，又無腥味，湯底清澈，充滿住豬肚嘅鮮甜，飲完成個人暖笠笠！